鳳苑酒家

营业中

休息中

呢日中午唔想煮，碰啱要寄信，于是顺便去埋呢度买嘢食，去到门口嘅时候系下午1：20，外边已经有约莫10个人起度排紧队等优惠时段，我当然排埋一份啦，唔想排嘅话，又话者惊排得嚟，想要买嘅嘢卖晒嘅话，可以即时用正价买，但通常都会排，因为正价同优惠价相差超过三分一价钱，正价要$18起，但优惠价就所有点心、肠粉及盅头饭，一律$12，卖完即止。到咗下午1：25，优惠时段开始，一个个轮住买，有人一口气将5笼虾饺、4笼烧卖，一次过买晒，而我呢日买咗虾肠、山竹牛肉、鲜竹卷、凤爪排骨饭各一，加埋两个外卖盒，一共$50。食物质素方面，始终屋邨酒楼，唔可能要求太高，基本上系将价就货，价钱低、能饱肚为主，味道过得去，唔会太难食就算，例如虾肠你想食到皮薄馅多嘅话，唔该你帮衬其他酒楼，或者买微波炉点心好过。