金羅寶韓國料理

营业中

休息中

一餐完满嘅料理系需要有前菜、主食同甜品。金罗宝韩国料理系一间比较传统嘅韩式餐厅，我哋一坐低，未嗌嘢食就摆咗几碟前菜小食嚟，有 #泡菜 、 #萝卜 、 #芽菜 、 #小鱼干 等等，喺香港而家嘅餐厅有前菜真系少之又少。之后嗌咗个 #韩式牛肉什菜炒粉丝 同 #鲜蚝石锅杂锦饭 ，两碟卖相其实算普通，味道嚟讲都尚算不过不失。粉丝比较硬身，如果腍啲会好少少；石锅饭嘅蚝仔都算多粒，但可惜无饭焦，整体两碟菜式算过得去。食到最后，侍应好有礼咁问雪糕要咩味道，估唔到有前菜之余，仲有甜品食，一餐好完满嘅晚餐！如果食辣嘅朋友，可以叫佢俾一碟仔韩式辣椒酱，用嚟送饭都好可口啊～