包點料理

营业中

休息中

晌包点料理买咗个莲蓉包同豆沙包做午餐，买𠮶阵可以拣热定冻，因为系即刻食所以拣咗热，拎到返去之后啲包嘅外皮黏埋一齐，不过都尚可接受。莲蓉包同豆沙包嘅外观差唔多，豆沙包就用咗小红点做识别。将个豆沙包撕开一半，入面馅料集中晌中间位置，冇偏左偏右嘅情况，都算包得平均。个包嘅外皮本身有少少甜味，软绵绵但比较黏牙。豆沙馅质感实净，都算唔会甜到漏。莲蓉包嘅馅料比豆沙更有黏性，撕开之后只系留晌其中一边，味道都几甜下，食完会有少少涸喉，不过就卖得唔贵，都冇乜好要求喇！