奧壽司

营业中

休息中

带完狗狗去大草地玩之后系时候医下肚。但系数码港既食肆唔多，好彩都有比较大路既日本餐厅。先讲一下呢间既餐厅环境，呢度既楼底好高而且顾客既声浪都唔太大。感觉都几舒服。剑鱼腩寿司，海胆寿司 - 海胆好creamy ，香甜。而剑鱼腩既油脂都好多，不错。三文鱼腩手卷 - 三文鱼好大件唔似出面一啲舖头咁食到一半就变左紫菜饭。云丹蟹粥 - 蟹粥里面有好多蟹膏，而且粥好甜。 而且店家好贴身咁提供左工具，等我地可以食啱里面既蟹肉。芝士吉列软壳蟹 - 芝士有拉丝既效果，沙津菜呢个配答都可以解芝士同吉列既油腻感。烧腩仔肉 - 腩仔肉配上大蒽好夹，而且味道又唔会好咸。鸡肾七味烧 ，牛脷串 - 牛脷既牛味好重，烧得好好味。鳗鱼蟹子炒饭 - 好香口，而且份量都唔少。吉列蚝 - 可能餐厅有卖生蚝，所以连炸蚝既蚝都特别新鲜同大只。做得特别好味。