茶木‧台式休閒餐廳 (已結業)

下午经过世贸，先至发觉成个商场翻新中，所有服装店都关门，剩番食肆仲有开。见到张大poster，所以去咗茶木。午餐入到去见到佢个view都真系几正，啱啱对住海边，虽然对于面定系装修中，但系个景真系好开扬，比其他茶木店更舒服，装修同其他店带子一样几雅致，有活力。我叫咗个午餐套餐价$80有三个小食，有卤水蛋，茄子同娃娃菜，主菜拣咗卤水拼盘配肉燥饭，上枱卖相都唔错。但水准老实说一般，肉燥饭不够油香，没有回甘味，卤水猪耳刚好不肥不瘦，算不俗。食物份量太细，所以追加了一个红油炒手，红油有四川花椒麻辣，味道ok。最后点了他的乌龙珍珠奶茶，茶上枱冰已经溶了一半，唔汤唔水，温度不够冻，茶算有茶香，但冰融化后好似杯冲淡了的奶水，感觉十分差，绝对不合格，比起坊间店舖更差。虽然此食店食物一般，但离开是星期五的下午都排了长龙，大部份顾客都是年轻人，可能对食物要求不高吧！埋单$120午餐来讲有啲贵，食物水准绝对不配此价钱。