麺屋武蔵 (MOKO新世紀廣場) (已結業)

有無人同我一樣，經過大半年的抗疫日子，其實慣左係屋企食？😅雖然疫情好番d，不過無咩事我都係外賣算😋，而家外賣自取價又抵食🤣-外賣就梗係要揀啲屋企整唔到嘅嘢啦😊😊例如沾麵😉呢間麵屋武藏外賣有3款湯底的沾麵 。包裝值得一讚，非常嚴密，我舟車勞頓拎返屋企都完全冇瀉無漏！！仲要keep得好靚仔，見到就開心。 -沾汁識食一定要整返熱食，呢兩分鐘嘅功夫唔可以慳！黑武骨（$79）是黑蒜油湯，白武骨（$79）是豬骨湯底，兩者質地都非常濃稠，味道濃厚，配上粗身有坑紋拉麵條，勁掛湯！個人認為白武骨無黑武骨咁油，豬骨味較突出。麵條質地外賣黎講算keep得好！而叉燒同蛋係我最喜歡的部分😋😋個叉燒做到好軟嫩的口感，蛋的生熟度係完美🥰-小食都好抵食，武藏煎餃子（$38）皮薄肉充實，雖然凍左但都仲有肉汁！外賣都配左蔥花同埋餃子汁👍🏻👍🏻武藏炸雞（$38）有成五六粒咁多，炸嘢梗係要用氣炸鍋返熱下啦😎😎，即刻變返外脆內軟～-+$8 配汽水一罐。