玉桃軒酒家 (鱷魚恤中心)

营业中

休息中

做写字楼的我，黎到星期四，已经无力放工煮饭同埋洗碗；同做写字楼的另一半也不例外，但都要食晚饭架～ 好彩我地住观塘，一落街咩都有，连北京填鸭都有！在鳄鱼恤大厦晚饭比饮茶好，因为唔洗等位等lift。一入到玉桃轩，啲位劲阔，坐得好舒服，唔似其他酒楼劲嘈，倾计又唔洗大声，服务员亦招呼周到。我地两个叫了北京填鸭、清炒通菜和菠萝咕噜肉。通菜系正常，唔多说。北京填鸭令立立，服务员推出黎时已经好兴奋size无好大只，所以肉唔韧，仲好juicy皮薄通透又够酥脆，唔油腻，非常高质只是包皮一般，唔似甜馒头果种，酱汁普通，但胜在配菜京葱和青瓜新鲜，大小粗幼适中，更可免费再添菠萝咕噜肉一上台就已经充满惊喜，因为佢好有心思咁用鸟巢装住果然好睇又好食！咕噜肉非常新鲜，沾满汁但依然香脆个酸甜汁够酸好惹味！菠萝够多略嫌青红椒太生，个人喜欢熟啲谂啲。埋单不用$500，几抵食！多啲人应该仲抵，下次叫埋成班亲戚一齐食先。