影片
更多
2018-05-01
179 浏览
又平又够份量的高质西餐厅😋今日同朋友去完深圳反来，夜晚就系上水拣左以海盗做主题既海盗王餐厅食晚餐。.六点半入到去，店内都好多卡位，我地被安排到其中一卡位就坐。环境都几舒服，仲可以望到厨房。.餐牌入面有好多选择，而且仲有埋图，非常清晰。而且睇得出食物好有特色，选择相当丰富而且价钱都唔贵。服务都几好，会主动加水同落单。.平日晚市仲会有特惠晚餐供应，$50有找已经有牛扒餐，送埋餐汤而且仲免收加一服务费，好抵食。海盗牛扒特惠餐配香蒜意粉$48见到餐牌入面其实仲有个贵小小既肉眼扒餐$85，但呢个送埋餐汤实在太平，怕呢个平d牛扒餐会唔好食?完全唔洗怕，因为呢个牛扒完全系肥瘦适中好有口感，而且最怕遇到难咬牛扒既我都觉得好易咬，味道都好得。价钱同快餐店一样平民，但系扒既质素绝对高快餐店几班。吉列猪扒伴煲仔肉酱意粉$62餐厅将大大块吉列猪扒炸到金黄色，表面好脆口，咬落入面既肉都好松软。炸完仍然可以保持肉质嫩滑，好高水准。芝士肉酱焗薯王$38呢个配答完全系完美。芝士控一定要叫呢个，表面有好多芝士，配合埋肉酱，个味唔会溜之余都带出到焗薯既香味，薯条系用粗身个只，唔系麦当劳个种。价钱仲好抵食。海盗王餐厅价钱合
今日同朋友去完深圳反来，夜晚就系上水拣左以海盗做主题既海盗王餐厅食晚餐。
.
六点半入到去，店内都好多卡位，我地被安排到其中一卡位就坐。环境都几舒服，仲可以望到厨房。
.
餐牌入面有好多选择，而且仲有埋图，非常清晰。而且睇得出食物好有特色，选择相当丰富而且价钱都唔贵。服务都几好，会主动加水同落单。
.
平日晚市仲会有特惠晚餐供应，$50有找已经有牛扒餐，送埋餐汤而且仲免收加一服务费，好抵食。
海盗牛扒特惠餐配香蒜意粉$48
见到餐牌入面其实仲有个贵小小既肉眼扒餐$85，但呢个送埋餐汤实在太平，怕呢个平d牛扒餐会唔好食?完全唔洗怕，因为呢个牛扒完全系肥瘦适中好有口感，而且最怕遇到难咬牛扒既我都觉得好易咬，味道都好得。价钱同快餐店一样平民，但系扒既质素绝对高快餐店几班。
吉列猪扒伴煲仔肉酱意粉$62
餐厅将大大块吉列猪扒炸到金黄色，表面好脆口，咬落入面既肉都好松软。炸完仍然可以保持肉质嫩滑，好高水准。
芝士肉酱焗薯王$38
呢个配答完全系完美。芝士控一定要叫呢个，表面有好多芝士，配合埋肉酱，个味唔会溜之余都带出到焗薯既香味，薯条系用粗身个只，唔系麦当劳个种。价钱仲好抵食。
海盗王餐厅价钱合理之余，上菜好快手，食物有卖相而且性价比甚高，睇得又食得，住上水，上水反工或者经过上水既人无唔食既理由。
张贴
