柏斯意大利餐廳 (已結業)

「柏斯」系我搬左黎粉岭之后其中一间食得最多既餐厅，佢既意大利菜连我以前系诺士佛台返工嘅老公都话正宗，所以我地一有时间都会去，今次就夜晚黎，佢环境阔落，位同位之间空间充足，落地玻璃设计坐得好舒服。《Pizza Margherita》以前细个净系食开Pizza hxx嘅Pizza，大个左之后pizza margherita变左我既pizza no.1，因为好钟意芝士蕃茄罗勒叶既简单而完美既配搭。「柏斯」既pizza饼底都够薄身脆口，但唔够烟韧，面头水牛芝士同罗勒叶都冇焗过，所以pizza唔够香同拉丝，再者pizza margherita既蕃茄汁同油香都非常重要，依样都做得唔够juicy，但胜在热辣辣即叫即焗。《香烤鹅肝配车厘子汁》煎鹅肝又系我西餐最爱点既starter之一，鹅肝好厚身同大旧，底面都煎得好香口，但系切开后没有creamy感觉，佢口感比较实身，但佢个sauce整得好出色，酸酸甜甜，加埋无花果火箭菜同多士，层次丰富。《慢煮伊比利亚黑毛猪肋骨配烧烤蜜糖酱和薯条》当日叫左个set dinner,黑毛猪肋骨加烧烤酱好惹味，因为佢系慢煮嘅关系，所以可以保留到肉汁，仲有即炸粗薯条都好好味呀