影片
更多
2021-01-30
350 浏览
停左一排写食评，㸤完小妹嘅人生大事，会开始陆陆续续清返之前嘅食评债，谢谢各位同路人食评家等我喔！限聚令同埋六点后嘅禁堂食令搞到好多黄店都告急，呢一次特别为北极光Aurora 出山，因为情况实在非常紧急。小妹之前应承咗朋友过去帮衬，但原来六点后系冇西餐食㗎 ！所以买咗啲串烧返去食，味道真系惊为天人，同以前北上路边摊既重口味（而家冇得北上去，更加唔会过去食嘢啦）系一模一样㗎，估唔到食返呢一种味道！葱蒜重劲香菜、麻辣味道样样齐！亚士厘道真系好恐怖，小妹𠮶晚同朋友过去，条街行人真的十分零落。想起以前和朋友happy Friday，酒吧去完一间又一间，凌晨两三点都好热闹，想起真的令人心酸。2020年酒吧经营嘅日子真系少过100日，正苦唔封关，酒吧迫埋单，唔系咁嘅话餐厅喺呢个地理位置系几好的。所以隔个礼拜过嚟食西餐兼庆祝生日，仲订咗烤脆皮西班牙乳猪食😋，想食嘅朋友记得提早三日预订啊如果唔系即场order系未必有得食嘅。我哋仲叫咗两个lunch set，有黑毛猪宽条面，海胆吞拿鱼鱼腩蓉丼饭，西餐配南瓜餐汤，日式配茶碗蒸同味增汤，这间西日餐厅满足晒心多多的小妹。豚肉意粉劲好味，够稔唔会um, 配手工意
限聚令同埋六点后嘅禁堂食令搞到好多黄店都告急，呢一次特别为北极光Aurora 出山，因为情况实在非常紧急。
小妹之前应承咗朋友过去帮衬，但原来六点后系冇西餐食㗎 ！所以买咗啲串烧返去食，味道真系惊为天人，同以前北上路边摊既重口味（而家冇得北上去，更加唔会过去食嘢啦）系一模一样㗎，估唔到食返呢一种味道！葱蒜重劲香菜、麻辣味道样样齐！
亚士厘道真系好恐怖，小妹𠮶晚同朋友过去，条街行人真的十分零落。想起以前和朋友happy Friday，酒吧去完一间又一间，凌晨两三点都好热闹，想起真的令人心酸。2020年酒吧经营嘅日子真系少过100日，正苦唔封关，酒吧迫埋单，唔系咁嘅话餐厅喺呢个地理位置系几好的。
所以隔个礼拜过嚟食西餐兼庆祝生日，仲订咗烤脆皮西班牙乳猪食😋，想食嘅朋友记得提早三日预订啊如果唔系即场order系未必有得食嘅。我哋仲叫咗两个lunch set，有黑毛猪宽条面，海胆吞拿鱼鱼腩蓉丼饭，西餐配南瓜餐汤，日式配茶碗蒸同味增汤，这间西日餐厅满足晒心多多的小妹。
豚肉意粉劲好味，够稔唔会um, 配手工意粉同薯条份量够晒，个汁令人饱得来又唔会太滞。
再嚟系海胆吞拿鱼腩蓉丼饭，佢个饭已经系酱油饭唔使自己加豉油，除咗摆盘靓外，用料亦非常新鲜，小妹非常怕食三文鱼子因为万一唔新鲜就好腥，但呢度系鲜甜既，值得一赞👍🏻因为三文鱼子系难保存同埋食用期系非常短。
脆皮乳猪1/4 只要预订，所以味道小妹是有期待的，果然味道不负所望，外皮脆口，肉Juicy ，有肉汁，不愧系招牌菜之一～
小妹同朋友庆祝生日，餐厅冇收切蛋糕费，非常开心同埋惊喜，即刻比多左小费👍🏻由12点坐到2:30期间 ，中间午饭时间只系Full 过一阵，小黄人记得多多支持，一起共渡时艰。
前菜及汤
3 浏览
0 赞好
0 留言
豚肉手工意粉
6 浏览
0 赞好
0 留言
海胆吞拿鱼鱼蓉丼
7 浏览
0 赞好
0 留言
脆皮乳猪
$288
11 浏览
0 赞好
0 留言
臭豆腐
2 浏览
0 赞好
0 留言
串烧
3 浏览
0 赞好
0 留言
张贴
