Briketenia (已改名) 查看

Briketenia 位于北角汇二期，是一间法国餐厅。朋友极力推介呢间餐厅，表示好有格调，室外仲有个无敌海景，日头打卡好正，不过就试咗佢嘅Dinner Set，有机会再去睇下日头嘅景色喺点先～一入座侍应就会送上一碟面包片及自家制银鱼柳蛋黄酱，面包片外脆内软，加上银鱼蛋黄酱鲜味十足。前菜忌廉蘑菇汤蘑菇汤喺侍应上枱之后先将蘑菇汤淋入只碟入面，食到菇菌粒+面包粒，香滑浓郁法式鹅肝焦糖炖蛋配田园沙律+$48焦糖炖蛋食得多，夹埋法式鹅肝一齐真喺好少见，焦糖炖蛋本身带甜味，加埋鹅肝嘅咸香，质感顺滑，涂落薄脆多士上面真喺好滋味，食埋个田园沙律正好清清味蕾。主菜<油封法国鸭腿配新薯，红莓汁> $368虽然用咗油封嘅方法烹调，但食落唔油腻，鸭腿皮香脆，鸭肉嫩滑，食到一丝丝嘅口感，红莓汁酸甜开胃。<香烤肉眼扒配薯蓉及小甘笋> $428一开始点餐嘅时候，侍应已经问我哋要几成熟，我哋唔想食太生，就叫咗大概八成熟。不得不称赞厨师嘅功架，虽然烤得近乎全熟，但仍然保留肉眼嘅嫩滑口感，一共有三种调味料，分别喺海盐、芥末酱&烧汁，建议可以沾点海盐+芥末食，更突显肉眼嘅香味。