影片
更多
2019-03-02
1389 浏览
近呢几年素食越嚟越流行，北角都多咗好几间素食餐厅。朋友打算约星期日夜晚食饭，于是打咗电话去book 18:30七位。一去到餐厅座无虚席，好彩book咗位先至去，咁就唔使等位等咁耐。朋友其实已经食过呢间餐厅好几次，佢哋因为芋头南瓜煲系必食，所以我哋都嗌咗一个，然后再叫菠萝生炒素骨、金针木耳猴头菇、三杯鲜竹粒豆腐煲、川香素回锅肉、星州炒米同 素鱼翅海羹炒饭（二人分）。有一啲菜属于晚市套餐，所以就会有一碗例汤附送，例汤系老黄瓜红萝卜粟米汤，入面仲有啲眉豆，个汤饮落好清甜，好似冇落过任何味精。首先系个鱼翅海羹炒饭嚟先，虽然话系二人份，但系足够三个人食，炒饭炒得好干身，冇乜油腻感，粒粒分明而且仲有蛋香味，捞埋佢侧边嘅鱼翅海鲜羹更好味，有翠肉瓜、木耳、素鱼翅等等。芋头南瓜煲用咗椰汁煮，更突显芋头、南瓜原有嘅甜味，香浓而不腻，送饭一流。菠萝生炒素骨都好好味，素骨炸得脆口，咬落去口感亦好似排骨味道，酱汁嘅酸甜度适中，令人一件接一件放入口。金针木耳猴头菇放埋红枣一齐蒸，金针唔会有酸味，猴头菇亦都吸收左金针淡淡的香气同埋红枣嘅味道，十分juicy。三杯鲜竹粒豆腐煲亦十分惹味，餐厅应该系先微炸豆腐粒，然后再
近呢几年素食越嚟越流行，北角都多咗好几间素食餐厅。朋友打算约星期日夜晚食饭，于是打咗电话去book 18:30七位。
一去到餐厅座无虚席，好彩book咗位先至去，咁就唔使等位等咁耐。
朋友其实已经食过呢间餐厅好几次，佢哋因为芋头南瓜煲系必食，所以我哋都嗌咗一个，然后再叫菠萝生炒素骨、金针木耳猴头菇、三杯鲜竹粒豆腐煲、川香素回锅肉、星州炒米同 素鱼翅海羹炒饭（二人分）。
有一啲菜属于晚市套餐，所以就会有一碗例汤附送，例汤系老黄瓜红萝卜粟米汤，入面仲有啲眉豆，个汤饮落好清甜，好似冇落过任何味精。
首先系个鱼翅海羹炒饭嚟先，虽然话系二人份，但系足够三个人食，炒饭炒得好干身，冇乜油腻感，粒粒分明而且仲有蛋香味，捞埋佢侧边嘅鱼翅海鲜羹更好味，有翠肉瓜、木耳、素鱼翅等等。
素鱼翅海羹炒饭（二人分）
64 浏览
0 赞好
0 留言
芋头南瓜煲用咗椰汁煮，更突显芋头、南瓜原有嘅甜味，香浓而不腻，送饭一流。
芋头南瓜煲
58 浏览
0 赞好
0 留言
菠萝生炒素骨都好好味，素骨炸得脆口，咬落去口感亦好似排骨味道，酱汁嘅酸甜度适中，令人一件接一件放入口。
菠萝生炒素骨
64 浏览
0 赞好
0 留言
金针木耳猴头菇放埋红枣一齐蒸，金针唔会有酸味，猴头菇亦都吸收左金针淡淡的香气同埋红枣嘅味道，十分juicy。
金针木耳猴头菇
59 浏览
0 赞好
0 留言
三杯鲜竹粒豆腐煲亦十分惹味，餐厅应该系先微炸豆腐粒，然后再放入煲同鲜枝竹一齐炆，豆腐入面又滑又嫩，外面就沾有酱汁味。
三杯鲜竹粒豆腐煲
60 浏览
0 赞好
0 留言
朋友钟意食川香素回锅肉，因为完全做出回锅肉嘅浓香味，不过我个人就对回锅肉麻麻，所以认为回锅肉味道偏油腻。
川香素回锅肉
60 浏览
0 赞好
0 留言
星洲炒米嘅咖喱味好浓郁，米粉亦都够镬气，炒得米粉爽而不油，如果我冇食错，应该加咗豆卜丝一齐炒。
叫咗咁多𩠌，埋单只系四百几蚊，个个食到捧住个肚走，真系好抵食，而且呢间餐厅做中式素食真系几出色，味道同荤差唔多。
如果周末想嚟食可能订位就会好啲，因为座位唔系特别多，一边食都见到好多人喺出面等位。
星州炒米
41 浏览
0 赞好
0 留言
张贴
