Harbourview Grill (北角匯二期)

营业中

休息中

北角汇都有唔少餐厅，部分餐厅仲有埋海景，而呢间有海景又够chili。最正系有埋户外空间，可以一边饮酒一边吹下海风。至于食物方面，有供应西餐。墨西哥芝士薄脆 158好有份量既墨西哥脆片，3-4人分享都唔过份。脆片有忌廉，芝士，蕃茄酱，牛油果酱等多种配料，非常丰富。鸡肉蘑菇烩意大利饭 148鸡肉同蘑菇都好充足，同饭既比例真系差唔多一比一，特别鸡肉，没有柴口，而意大利饭饭粒亦分明。西冷扒 10oz 268五成熟口味岩岩好，网烧纹吸引，入口肉质有弹性，肉味浓。朱古力心太软 98切开心太软，澎湃朱古力酱流出。配士多啤梨雪糕做平衡，唔会甜到漏。Caramel Milkshake 48待沙冰溶化后，焦糖味道出晒嚟，最吸睛系有咖啡豆做点缀，带来甘香味。