Briketenia (已改名) 查看

新一年要有个好开始 带咗友人嚟北角嘅呢间西餐厅食返个晚餐☺️ 我哋一人叫咗一份set dinner 有头盘 主菜同饮品⭐️忌廉蘑菇汤呢个餐汤好特别 店员会喺你面头将汤倒入装住蘑菇粒同面包粒嘅碗入面 汤饮落几creamy 饮到有蘑菇蓉嘅口感🤪法式鹅肝焦糖炖蛋配田园沙律呢个系比较有特色嘅 所以叫咗嚟试💛 将法式鹅肝焦糖炖蛋配埋旁边嘅面包薄脆口感好特别 食到少少鹅肝嘅香味 又有焦糖炖蛋嘅奶油口感🤣 仲有埋田园沙律 咁就唔怕太腻啦香煎鲈鱼伴蚬肉忌廉汁呢份鲈鱼煎得外脆内软 鱼肉偏扎实 唔会好松散🐟 鱼肉上面有蟹籽增强口感 旁边有两粒蚬 蚬肉鲜甜 鱼肉下面仲有薯蓉🥔香烤肉眼扒配薯蓉及小甘笋我哋叫咗五成熟嘅扒 所以肉眼扒入面好粉嫩 肉质好易切开🐮 唔会韧 配烧汁食又得 点芥辣又有另一番嘅滋味🙊饮品最后嘅餐茶拣咗热咖啡同热奶茶 两杯嘅奶都系分开上嘅 想落几多随个人喜好😺呢间餐厅部分嘅窗口位系有海景㗎 加上店员服务都几殷勤 会留意到客人嘅需要 系个愉快嘅用餐体验😚