影片
更多
2014-08-12
1454 浏览
寻日(11-8-2014 Mon)为男友妈妈大寿,佢o地家人o系o度book o左两围,人齐后接近九点开席上菜第一个系上汤虾仁伊面,祝老人家长长寿寿个面好大碟,口感适中,味道清淡中带蒜香, 虾仁大大只,爽口之余亦有鲜味,超好食,食o左至后悔因唔好意思而冇影相. 味道: 5分2. 烧味拼盘有海蜇,油鸡,乳猪,叉烧同烧鸭,我开头一夹就夹o左两件叉烧,佢颜色好深,食落,哗!原来佢系半肥瘦,好松软,蜜味又够,真系好好食,好耐冇食咁靓o既叉烧喇. 而男友一开始就夹乳猪食,佢大赞个皮好松化,我都食,系呀,又脆又松化,乳猪肉又唔算好咸,正. 海蜇正常爽口, 油鸡同烧鸭都一样冇问题味道: 3.8分3. 蒸斑大大条同好厚,所以最外面熟晒,甚至有啲o鞋,最好食就系中间,熟度o岩o岩好又滑一滑,鱼又鲜甜,正.但最入面o既恐防未够熟.味道: 4.8分4. 珊瑚蚌鲜鱿西芹珊瑚蚌爽口, 鲜鱿鲜甜,西芹冇炒过火又嫩,个玻璃献又做得o岩o岩好,都系好食. 味道: 5分5. 海鲜卷颜色炸得好靓,系金黄色,内里有仍蟹柳同带子仔,沙律酱味道o岩o岩好,只系脆脆面包外层厚o左啲味道: 4.7分6. 竹笙翅竹笙多到离晒
第一个系上汤虾仁伊面,祝老人家长长寿寿
个面好大碟,口感适中,味道清淡中带蒜香, 虾仁大大只,爽口之余亦有鲜味,超好食,食o左至后悔因唔好意思而冇影相.
味道: 5分
2. 烧味拼盘
有海蜇,油鸡,乳猪,叉烧同烧鸭,我开头一夹就夹o左两件叉烧,佢颜色好深,食落,哗!原来佢系半肥瘦,好松软,蜜味又够,真系好好食,好耐冇食咁靓o既叉烧喇.
而男友一开始就夹乳猪食,佢大赞个皮好松化,我都食,系呀,又脆又松化,乳猪肉又唔算好咸,正.
海蜇正常爽口, 油鸡同烧鸭都一样冇问题
味道: 3.8分
3. 蒸斑
大大条同好厚,所以最外面熟晒,甚至有啲o鞋,最好食就系中间,熟度o岩o岩好又滑一滑,鱼又鲜甜,正.但最入面o既恐防未够熟.
味道: 4.8分
4. 珊瑚蚌鲜鱿西芹
珊瑚蚌爽口, 鲜鱿鲜甜,西芹冇炒过火又嫩,个玻璃献又做得o岩o岩好,都系好食.
味道: 5分
5. 海鲜卷
颜色炸得好靓,系金黄色,内里有仍蟹柳同带子仔,沙律酱味道o岩o岩好,只系脆脆面包外层厚o左啲
味道: 4.7分
6. 竹笙翅
竹笙多到离晒谱,唔系寥寥可数o既几片,又爽口,好味.
味道: 5分
7. 双菇西兰花
双菇系金菇同草菇,好耐冇食草菇喇,食吓先,冇草青味,口感比较爽口,我个人比较钟意食腍少少, 西兰花大大件,亦系灼得较硬身.
味道: 3分
8. 荷兰饭
大大笼o既,由于都饱喇,我只食一汤匙,佢黑黑地湿湿地,味道比较一般.
味道: 3分
9. 炸鸡
炸我好靓,皮好脆,肉亦唔太o鞋,不过咸o左少少.其实想食多件,但个肚真系冇位.
味道: 4.8分
10. 寿包
热腾腾o既寿包,内里莲蓉馅唔多又唔太甜,包身松软,正常o既.
味道: 3.2分
11. 红豆沙
哗!同竹笙一样,有好多红豆,又唔会稀稀,味道好够浓,甜度又o岩o岩好,唔多o既陈皮味o岩o岩好.不过男友呢个红豆怪话陈皮过多,食到有啲苦.
味道: 4.8分
服务:
上到去,receptionist问我o地有位未?男友答订o左枱,佢查到后话XXX号枱,上到去,冇人会话我o地知边张系XXX号枱o架,唔通个receptionist觉得客人一定会知?
除o左呢样外,其他大致上冇乜o野,o系最后切蛋糕时,我o地唔知点切,女侍应都主动帮我o地切.
4.7分
环境:
OK o既,不过唔明点解佢o地唔俾房我o地.
张贴