影片
更多
2015-10-20
1968 浏览
同你讲晌台湾茗茶，正路不过，但讲到品酒，会唔会觉得离咗题呢？小弟对酒一向都见识浅薄，但对台湾嘅美食就甚有兴趣之至，面包班同学仔对酒就甚有研究，所以，今晚两个麻甩佬嚟到Check-In Taipei，就各有所好 。虽然同样叫做卖台湾菜，但绝对喺不一样嘅台菜，单睇环境，摩登型格，一边喺酒吧区，正正喺荷李活道、云咸街嘅特色；另一边喺用餐区，墙上嘅挂画流露出宝岛情怀。翻阅餐牌一遍，其实都只喺一页纸而已，睇到菜名唔似有咩特别，其实配搭就甚具创意，可谓新派嘅台湾菜。虽然位处中环苏豪区，但定价都只属中等。所以，有两人嘅套餐供应，$788两位，可以试得多啲嘢之余，亦会划算少少。 Winter Melon Slush Pudding（单点 $68） 既然套餐包饮品，嚟到依度，无理由啡茶汽水，非酒精鸡尾酒（Mocktail）就啱晒我，经店员一轮介绍后，依一款冬瓜茶就最合我心水，因为以冬瓜茶为基础，加入黑糖、珍珠，底下有鸡蛋布甸及少少沙冰底，冰凉清润，珍珠有咬口，鸡蛋布甸又可以啜啜吓，过瘾过瘾 ，整杯嘢好有台式风味，却不单调而又有新鲜感。 Mochi Yaki（单价 $118） 同老友拣依一
虽然同样叫做卖台湾菜，但绝对喺不一样嘅台菜，单睇环境，摩登型格，一边喺酒吧区，正正喺荷李活道、云咸街嘅特色；另一边喺用餐区，墙上嘅挂画流露出宝岛情怀。
翻阅餐牌一遍，其实都只喺一页纸而已，睇到菜名唔似有咩特别，其实配搭就甚具创意，可谓新派嘅台湾菜。虽然位处中环苏豪区，但定价都只属中等。
所以，有两人嘅套餐供应，$788两位，可以试得多啲嘢之余，亦会划算少少。
Winter Melon Slush Pudding（单点 $68） 既然套餐包饮品，嚟到依度，无理由啡茶汽水，非酒精鸡尾酒（Mocktail）就啱晒我，经店员一轮介绍后，依一款冬瓜茶就最合我心水，因为以冬瓜茶为基础，加入黑糖、珍珠，底下有鸡蛋布甸及少少沙冰底，冰凉清润，珍珠有咬口，鸡蛋布甸又可以啜啜吓，过瘾过瘾 ，整杯嘢好有台式风味，却不单调而又有新鲜感。
Winter Melon Slush Pudding
$68
55 浏览
1 赞好
0 留言
Winter Melon Slush Pudding
$68
62 浏览
1 赞好
0 留言
同老友拣依一款鸡尾酒喺福建擂茶沟冧酒，卖相好和风，小弟当然无试，所以，以下都喺佢嘅睇法：有少少酒香，有啲中式混日式感觉，风味颇特别，但其实茶嘅感觉大于酒 ，反而伴食嘅烧年糕，撒上果仁粉，淋上糖浆，又几好食㖞 。
Mochi Yaki
$118
39 浏览
1 赞好
0 留言
Chicken Waffle 最惊喜喺盐酥鸡下有菠萝蓉，令酥香中有份清甜，鸡件好酥脆，绝不油腻，最底下就喺迷你窝夫，衬埋少少枫糖，颇有创意嘅前菜。
Chicken Waffle
51 浏览
1 赞好
0 留言
因为做成球状，所以叫乒乓，将麻糬加入紫薯蓉及巴马臣芝士搓成球，外层脆脆又烟糯，入口有蕃薯香，芝士非常软滑，配搭出色。
Ping Pong
67 浏览
1 赞好
0 留言
猪手肉切成碎粒，加埋菌粒、酱油炒香，放晌件迷你炸脆饼，好甘脆，唔油腻，脆饼脆到咯咯声。
Crispy Knuckle Bites
61 浏览
1 赞好
0 留言
热盘
49 浏览
1 赞好
0 留言
好有惊喜嘅五花腩菜式，腩肉卤得好入味，就算肥膏部份都喺有咬口而唔油，底下有青苹果蓉，味道清新，发挥中和嘅作用。
Sweet & Sour Fish
店员话喺以盲𫚧鱼制作，唔喺普通货色，酸甜酱混和一啲菠萝粒、红椒粒及松子仁，几醒胃。
House Special Calamari
喺较港式嘅避风塘炸鱿鱼须，浓浓蒜香，辣味轻微，个人而言喺3款中最为普通，但可能对外国人吸引力大啲。
Pork Belly Risotto（单价 $118）
跟住喺主菜上场，先上个意大利饭，亦喺自己嘅心水菜式。饭粒有咬口却唔会有生饭嘅感觉，饭粒忌廉味较浓重；啲猪腩切成薄片再炸脆，有啲似烟肉，香脆可口，几有心思。
Pork Belly Risotto
$118
49 浏览
1 赞好
0 留言
Ma-Po Tofu Noodle（单价 $108） 另一主食喺面食，麻婆豆腐面，面条选用粗身嘅意大利阔面，可以较能挂汁，配少少肉碎，加埋豆腐，味道浓香却唔太辣，带微微花椒味，所以，略有少少麻麻嘅感觉。
Ma-Po Tofu Noodle
$108
74 浏览
1 赞好
0 留言
Cream Brulee（单价 $68） 最后一道甜品法式炖蛋作结，质感好柔滑，但略嫌个炖蛋下忌廉太多，奶味重而影响咗个蛋香味，此外，面层嘅焦糖太厚身，比较黏牙，食几啖无问题，但多几啖就变得颇漏，可以诟喺今晚餐饭嘅少少瑕疵。
Cream Brulee
$68
26 浏览
1 赞好
0 留言
晌老友不时向店员询问有关啲鸡尾酒嘅事情时，店主瞿先生原来喺台湾人，更主动向我介绍及讲解，更同老友大谈台湾酒。瞿先生超好人，见老友对台湾威士忌好有兴趣，请佢试饮咗两小杯，咪睇喺小小一杯，酒精超过57%，我小咪一啖都觉得好厉害 ，所以，请番老友搞掂我𠮶一小杯。而以下酒评，出自老友口述，相片都喺佢提供番俾我。仲有，餐厅做紧饮品买一送一，更喺全日适用 。
噶玛兰VINHO葡萄酒桶单一麦芽威士忌原酒此酒因为攞奖嘅原因，在台湾已被抢购买唔到，香港买到嘅都已被炒高，入口先尝到焦糖嘅甜香及果香，继而木桶气息及淡淡果仁香，饮后满口芳香。
噶玛兰FINO雪莉桶单一麦芽威士忌原酒酒体醇厚，酒香扑鼻，带有奶油甜香，混合淡淡清涩味，慢慢渗出甘甜，余韵悠长。小弟真喺饮唔到咁嘅层次，听到佢两个不断交流，小弟就陪跑，斋听无搭咀。
今晚品尝到嘅前菜同热盘，结合传统及创意，味道又配搭得好，主菜亦唔差，只喺无咁有惊喜，甜品就稍为回落。所以，跟朋友嚟食吓小食，共酌一下，喺几赏心乐事，再者，无论有酒精定无酒精嘅鸡尾酒，都得意有心思。
张贴
