沙嗲王 (金馬倫道) (已結業)

呢间沙嗲王好少食，上次嚟食应该系2019年，因为十个煲得八个盖，而家疫情，佢有特价，不过客少咗都一样有问题，六个煲四个盖，人手永远都系应付唔倒饭市🤣🤣话说上年有次order 巨脾饭，12:40落单可以1:15都未到，其实我得一个钟食lunch , 所以之后都无再嚟，今日见无乜人咁应该唔使点等就食啦，今次嚟系自己用QR code点餐，都好嘅，因为佢向来人手都唔多够，不过online 点餐都唔太smooth, 个QR code 有啲难scan, 点咗猪扒同鸡扒饭，餐有soft drink , 一个餐好快到，另一个等20mins 要催先有，虽然餐厅客人唔多，不过同样地侍应同厨房都一样人唔多，仲要做埋外卖，追完个饭又要追餐饮，而最后到埋单都系无嚟到杯野饮，真系无奈😑。讲返啲野食猪扒嚟到唔热嘅，而鸡扒就几好，铁板上，热辣辣之外仲好滑，面都烧得几香，48蚊嚟讲算几抵食。👍