勝利牛丸

营业中

休息中

今日试咗喺元朗有三间分店0既胜利牛丸。因为0系闲日下昼0既关系，唔驶等位。循列问问有无餐牌，答案系无0既，阿姐话得牛腩同牛丸，于是就叫个牛腩牛丸河。环境尚算干净，而且唔会太迫。碗面唔算好大，女士食份量啱啱好，男士应该要两碗先够。不过卖相唔错，牛丸同牛腩都排得算整齐，牛腩颜色呈较浅啡色，唔似平时食开果啲。平时食开0既面会加葱花，呢度就加咗小小冬菜，唔食冬菜就记得要走冬菜。先试下个汤，浓中带清，浓0既意思系指汤好有牛腩味，而且带小小胶质，真系好似炆咗好耐; 而清0既意思是指唔似落咗味精，因为一般饮到果啲浓法会系落咗味精果只，呢个汤完全无味精感觉。个汤唔系好咸，所以钟意咸啲0既朋友要自己落豉油。牛腩牛筋炆得好有水准，入口即融，牛筋焾到好似四方啫喱0既质感，但唔会0系夹唔到果只。牛腩亦好入味，咬开亦到系同外层颜色一致。牛丸好弹牙，亦好有牛丸味。面0既配搭有河粉，粗面或米粉。想食菜亦有腩汁时菜。我个人认为落小小辣好味啲，最后我都食晒成个面连汤饮，成为19元。