Bulldog Hotdog (永勝大廈) (已結業)

今次我哋途经铜锣湾，见到呢间充满美式风彩嘅热狗bulldoghotdog，咁啱呢排美国佬系阿富汗又搞到满城风雨，我哋二话不说即刻冲入去试吓！（我哋都知关阿富汗鬼事，开场白啫~见谅🥺）热狗我哋叫咗：美式风味热狗($39)：配料有Jalapeno墨西哥辣椒、黑水榄、洋葱、酸瓜茸、茄汁和芥辣。味道少少辣，再加酸瓜茸带嚟嘅酸酸甜甜，成个感觉都好balance，几开胃。肠仔就系普通热句肠，不过不失。反而个包真系有惊喜，普通热狗包都系用较为淋身嘅包，食到一半好易成手都系，因为啲酱汁索哂入包入面，而佢哋个包，里面软熟，外面少少脆身，整体唔错！皇牌热狗($63)： 配料有焦糖洋葱、安格斯牛肉、一堆芝士 (mozzarella, provolone, cheddar white and orange)、炸蒜。呢只热狗真系不得了，口感丰富，芝士迷可以一试，再加埋焦糖洋葱和牛肉，好鬼juicy~个包就同美式风味一样！正🤤如果佢哋可以出埋酒牌，有埋draftbeer啤酒饮，我哋会觉得会更切合到食热狗呢个美式文化，@bulldoghotdog 收唔收到呀~~🤙🏻