焼肉而今 by 富小路やま岸

今日系老公生日，本来想同老公食餐好，点知餐厅服务差，食物又普通。好啦，一坐低，见到个mask case已经有指纹，完全接受唔到一间所谓米芝连餐厅会发生呢D情况。坐左一阵有少少热，问侍应可唔可以较大少少冷气，侍应一句话已经最大，较唔到，算啦。落完单后，侍应放低个set lunch，帮我地开左炉。转头D肉到左，我地问呢D肉系咩部位啊？个侍应发紧梦，话唔知，大佬啊，就算牛角都会循例介绍下啊，呢间唔系快餐。问完经理后，个女侍应用唔咸唔淡既广东话介绍左两款肉之后唔记得第三款系乜。算啦，可能人地系part time，正常既。我地终于开始烧肉，d肉好似烧既都红红地，我地问系咪个炉坏左，我明明见到个女侍应已经帮我地开左，问一问，个个人话唔记得帮你地较返大。食物方面，我地叫左极上A5和牛盛合套餐($480)同日替A5和牛套餐 ($290), 另外追加左牛舌（$90），好一般，其实同自己系屋企买和牛用bruno烧无分别。之后我老公想叫柠檬烧酒，个女侍应点左头，我以为今次终于岩返一次，原来我错左。个女侍应唔知系听力定理解能力有问题，几分钟后拎左本menu黎。我有少少躁，我话如果你听唔明，唔该叫你经理落单啦。