影片
更多
2021-01-19
2083 浏览
好钟意去K11 Musea行街，今次去咗位于商场地下嘅「欣图轩」食饭。店名系取洲际酒店 InterContinental 嘅 「In」以及「Tal」音译成。系欣图轩食饭就恍如置身系博物馆一样，除咗用玉石镶制嘅餐具外，不得不提当日座位旁边嘅一幅双面绣，近距离欣赏过先知呢种技艺有几精巧。✨🫖大红柑普洱茶屋企人有品茗嘅习惯，而我就独沽一味普洱，呢壸普洱可以话系我饮过最好嘅普洱，简直系成餐饭嘅亮点。😉 当时茶艺师有同我哋上过堂，但恕我已经唔记得佢讲过咩啦，只系记得饮第一啖时陈皮嘅果香涌入口腔，令我好惊喜，往后几泡就带出返普洱嘅甘醇，利咽舒喉，特别系咁干燥嘅季节饮觉得喉咙好舒服。☺️🌟美馔海鲜三式饺由左至右分别系龙虾蟹肉菜苗饺、XO酱红虾粿、黑蒜带子饺，厨师建议跟呢个次序由淡至浓咁食。饺皮稍嫌过厚，但三个嘅馅料都好饱满，而我最钟意中间𠮶粒，虾肉鲜爽弹牙，配埋惹味嘅XO酱好好味。😋🌟花胶炖响螺汤嘅份量比相中多(我饮咗两啖先记得影相😂)，每碗有一块厚身大花胶，两片响螺。花胶入口冇乜胶质，饮花胶汤我比较钟意「浆住浆住」嘅浓稠口感。另外碗汤味道好淡，食唔到响螺嘅鲜味。虽然足料，但单点饮唔过，套餐升级会好啲
🫖大红柑普洱茶
屋企人有品茗嘅习惯，而我就独沽一味普洱，呢壸普洱可以话系我饮过最好嘅普洱，简直系成餐饭嘅亮点。😉 当时茶艺师有同我哋上过堂，但恕我已经唔记得佢讲过咩啦，只系记得饮第一啖时陈皮嘅果香涌入口腔，令我好惊喜，往后几泡就带出返普洱嘅甘醇，利咽舒喉，特别系咁干燥嘅季节饮觉得喉咙好舒服。☺️
🌟美馔海鲜三式饺
美馔海鲜三式饺
23 浏览
3 赞好
0 留言
由左至右分别系龙虾蟹肉菜苗饺、XO酱红虾粿、黑蒜带子饺，厨师建议跟呢个次序由淡至浓咁食。饺皮稍嫌过厚，但三个嘅馅料都好饱满，而我最钟意中间𠮶粒，虾肉鲜爽弹牙，配埋惹味嘅XO酱好好味。😋
🌟花胶炖响螺
花胶炖响螺
26 浏览
0 赞好
0 留言
汤嘅份量比相中多(我饮咗两啖先记得影相😂)，每碗有一块厚身大花胶，两片响螺。花胶入口冇乜胶质，饮花胶汤我比较钟意「浆住浆住」嘅浓稠口感。另外碗汤味道好淡，食唔到响螺嘅鲜味。虽然足料，但单点饮唔过，套餐升级会好啲。😅
🌟脆酿鲜蟹盖
脆酿鲜蟹盖
43 浏览
1 赞好
0 留言
只蟹盖炸到金黄色胀卜卜，令人垂涎三尺。😆我唔钟意食炸嘢，所以无食到表面嘅炸衣，但切开时听声都知佢炸得好酥脆。而入面一梳梳嘅蟹肉鲜嫩，食落好滋味。
🌟蜜汁黑豚叉烧
蜜汁黑豚叉烧
39 浏览
0 赞好
0 留言
叉烧肥瘦相间，表面有微微焦香，食落肉质松软，脂香感十足，确实做到肉嫩甘腴。但可惜过甜，我食咗一嚿已经无办法再食落去。
🌟蒜片鸡纵菌爆和牛
蒜片鸡纵菌爆和牛
27 浏览
1 赞好
0 留言
呢道𩠌系我全餐饭最钟意嘅一道。一粒粒嘅和牛放落口十分柔软，咬落去时脂肪嘅甘甜四溢☺️，言语已经描述唔到有几好食，而家谂返都回味无穷，非常肚饿。🤤🤤
🌟杨枝甘露
杨枝甘露
22 浏览
0 赞好
0 留言
最后唔够喉，甜品叫咗杨枝甘露。都系啲gimmick嘢玩干冰𠮶啲啦。😂 当日食到嘅西柚好苦，但应该系个别问题，反而西米煮过火唔弹牙，有小小失望。
贵为米芝莲星级中菜厅，欣图轩嘅食物质素不错，当中某啲招牌菜都非常好食。但我认为溢价反映系体贴入微嘅服务上，当日点菜上菜嘅侍应、茶艺师都非常好服务，例如佢哋上杨枝甘露时问我需唔需要影相，等我ready好先开盖，又例如我走时贴心帮我拉起少少枱布，避得我’kick’亲，所有嘢都以顾客为本；而且佢哋好有热诚，睇得出佢哋好热爱呢份工作。整体嘅用餐体验非常好。👍🏻
张贴
