泰式食

营业中

休息中

好耐无食泰国菜，今次约埋朋友一齐系铜锣湾觅食。系金百利广场揾野食，见到有泰国餐厅，加上价钱又公道，就一于试下。我地叫咗成3个小食，分别有泰式烧猪颈肉。份量好多啊，估唔到价钱唔贵，仲有咁多件tim!猪颈肉厚度适中，食起上来一d都唔「鞋」，仲好香tim第2个小食，就系朋友最爱既炸虾饼，每一旧虾饼都啖啖虾肉，又够弹牙，最紧要系炸得好脆，好香口，非常正第3个小食就系软壳蟹春卷，春卷入面有软壳蟹同配菜，春卷皮炸得好脆，里面既馅调味啱啱好，软壳蟹既脆非常吸引！再加埋泰式酸辣酱，十分惹味！主食方面叫咗 青咖喱鸡。青咖喱一上台闻到好香既咖喱味。未开始食已经觉得好吸引。青咖喱好处系唔太辣，可以比唔食得辣既人都可以食到，椰奶味好够，最钟意充满椰香味既咖喱，鸡肉嫰滑，系一个唔错主食！粉面个度，我地拣咗泰式干炒河粉（拣咗牛）。河粉炒得好出色，味道同香味都有突出，特别有蛋香，几有水准，干炒好够镬气！饮品叫左芒果汁，浓浓的芒果味，夹杂唔少芒果肉，新鲜芒果榨汁真系特别好饮再加上呢度用餐环境都几好，有唔少特泰国特色装修，令人好似置身泰国一样，享受正宗的泰国菜！