稚內日式創作料理居酒屋 (已結業)

同四個朋友經過被落地玻璃裝修吸引入內一試，原來有我至愛嘅生蠔食！二話不説落單，好好味呀！叫咗剌身同壽司拼盆，油甘魚出奇地鮮味，牧丹蝦不得了，$56一隻！除咗剌身壽司，原來仲有啲西式煮法嘅日本菜，唔怪得叫創意料理啦！香煎鱸魚配香橙汁$102Ok~~鱸魚同個香橙汁好夾！慢煮五花腩豚肉$98好味，一啲都唔肥膩，唔食肥豬肉嘅朋友都試咗半舊！烤羊架$148Ok~~賣相靚靚，個汁好味道！芝士什菜焗大菇$75推介！最後再嚟一個焦糖布甸做甜品，好滿足呀！不過，美中不足為茶杯太細，兩啖已喝完，要不斷叫侍應加茶。