十和田總本店

营业中

休息中

之前听过好多朋友推介过呢间喺尖沙咀嘅日本嘢，今日咁啱经过尖沙咀，所以就入咗去试下喇！ 好好彩，去到虽然系晚饭时间，但系都唔使等位。 内里格局同一般日式餐厅无异，有面向师傅嘅长枱，都有普通座位，枱櫈都唔算大，好彩櫈下有藤篮可以放下嘢。呢到除左一张时令食材推介餐牌之外，其余餐牌都系透过电话扫QR Code 之后落单。 睇均成个餐牌，寿司同饭比例较多，而且大部分为鱼生，可能未必适合唔多食生嘢嘅朋友。好有蟹味，蟹膏密铺盖面，入面啖啖蟹肉，好足料，配生菜增加口感，但食得多都几溜。 色泽几好，厚切卖相亦好吸引，但唔知系咪因为太大件，咬落都几韧，大细可以再开半可能会更好。 一啖放晒入口，味道会比较复杂，好似喺个口到打紧交，层次感差少少，但材料好丰富，吞拿鱼，三文鱼子，海胆，分开试咗样样都鲜甜，都算唔错。吞拿鱼冇乜鲜甜味，葱味都唔太突出，但胜在够多饭，一定食得饱。 食物不过不失，三文鱼子、海胆，鲜甜印象都深刻，每款都好占胃部肚仔空间，好饱呀！