影片
更多
2015-10-30
1302 浏览
今年八月喺元朗三联书店打书钉，见倒一本书叫香港名牌小吃-作者：冯嘉桥及邝芷凡，内面介绍左一啲元朗小食同小店，冯生话觉得以下面店比一啲元朗名牌更有水准。郑洪记 - 一间早上做粉面生意，晚上做小炒嘅大排档，听闲扎根元朗超过三十多年，曾经同老妈子帮趁过一两次，印像中出品唔错，今日特登嚟叫碗面食，写下佢。大排档中，佢地环境非常一般，冇冷气，但档主都装左几部大牛角扇，唔算热，坦白讲我真系好喜欢呢啲风味环境！卖相几唔错嘅鱼蛋云呑牛腩面，三个𩠌合共HK$35鱼蛋外型较细粒，爽口弹牙唔腥，用料好！听讲佢地自家制嘅，属上品！牛腩好焾滑，柱侯酱味入哂肉，最值得赞嘅系佢地唔系用急冻牛肋条嚟炆，佢地系用左新鲜牛腩碎，好多年轻人连牛腩碎系乜都未知，喺度顺便解释下比大家知道，牛肉档会将牛只每一部份裁好，牛腩、牛𦟌、牛柳等等不同部位挂好出售，裁牛肉嘅时间会将一啲唔好睇嘅筋膜，同埋接连不同肌肉嘅软组织切出，混杂不同不部份，有脂肪、肉、筋膜、筋甚致一啲皮及毛发，以前属于非常下价货式，大概系牛腩嘅六至七份一价钱，依家因为牛价高昂，腩碎大概零售价都要成三十几四十蚊斤，炆之前仲要裁走啲过多嘅脂肪呀，皮同埋毛发咁，实则落镬果阵
今年八月喺元朗三联书店打书钉，见倒一本书叫香港名牌小吃-作者：冯嘉桥及邝芷凡，内面介绍左一啲元朗小食同小店，冯生话觉得以下面店比一啲元朗名牌更有水准。郑洪记 - 一间早上做粉面生意，晚上做小炒嘅大排档，听闲扎根元朗超过三十多年，曾经同老妈子帮趁过一两次，印像中出品唔错，今日特登嚟叫碗面食，写下佢。
大排档中，佢地环境非常一般，冇冷气，但档主都装左几部大牛角扇，唔算热，坦白讲我真系好喜欢呢啲风味环境！
卖相几唔错嘅鱼蛋云呑牛腩面，三个𩠌合共HK$35
鱼蛋云呑牛腩面
$35
96 浏览
1 赞好
0 留言
牛腩好焾滑，柱侯酱味入哂肉，最值得赞嘅系佢地唔系用急冻牛肋条嚟炆，佢地系用左新鲜牛腩碎，好多年轻人连牛腩碎系乜都未知，喺度顺便解释下比大家知道，牛肉档会将牛只每一部份裁好，牛腩、牛𦟌、牛柳等等不同部位挂好出售，裁牛肉嘅时间会将一啲唔好睇嘅筋膜，同埋接连不同肌肉嘅软组织切出，混杂不同不部份，有脂肪、肉、筋膜、筋甚致一啲皮及毛发，以前属于非常下价货式，大概系牛腩嘅六至七份一价钱，依家因为牛价高昂，腩碎大概零售价都要成三十几四十蚊斤，炆之前仲要裁走啲过多嘅脂肪呀，皮同埋毛发咁，实则落镬果阵得番八成左右，维到成五十蚊斤咁滞，贵雪藏"鞋烚烚"果啲鬼佬牛肋条(牛胸) 成倍咁滞。佢地嘅牛腩碎处理得好好，唔会夹杂太多脂肪，裁得好靓，差唔多每一小块都系有肉同焾滑嘅筋，口感其实同猪肉嘅眼筋相若，非常焾滑，佢地做嘅牛腩，总对攞倒我嘅满分！
讲云呑，卖相正宗金鱼尾，但馅就除左虾、猪肉、大地鱼粉外重加埋木耳，大概比例系四三三，味道好正，虾好爽，大地鱼味好够，多加嘅木耳亦增加左饀料嘅爽口感觉，虽然饀料唔算正统，但绝对可口！
73 浏览
0 赞好
0 留言
面，弹牙！砚水味亦轻，唔觉有太多蛋香，但味道已经比某啲所谓传统名牌面家出色，相信亦都系同面厂订制嘅好货。
至于汤方面，由于加左腩汁，唔能够清晰评价清汤汤底嘅质素同用料，只可以讲腩汁汤带有强烈的炆牛腩嘅香料味，饮完亦唔觉口干，味精唔多。结论:咁高质素嘅面家 ，希望大家以后要帮趁多啲!
张贴
