影片
更多
2018-08-12
781 浏览
几乎每次嚟葵涌广场都只系识扫街嘅我哋, 今日终于有一个突破：就系嚟试下呢个孖宝车仔面喇其实每次行街经过呢度都会闻到超香嘅卤水味, 成日都会心郁郁想一试, 而家终于都有机会啦, 平时冇乜点为意, 原来佢哋都几犀利, 好似占咗三个舖位, 仲要全部舖位都好多人帮衬。职员都好够人, 大部分都系妈妈级, 佢哋全部都好好礼貎, 我哋一嚟到已经招呼我哋坐低, 仲问我哋位置好唔好, 虽然呢度冇富丽堂皇嘅装修, 只系一间感觉地踎嘅店舖, 所以我哋其实坐边度都冇所谓啦, 同埋咁先至感觉到地道嘅香港情怀睇一睇餐牌, 呢度嘅车仔面餐系$44蚊包三个𩠌, 之后再加就$8蚊一款啦, 已经有番咁上下年纪嘅我, 虽然已经觉得唔系好平, 但系要理性地用现今社会嘅物价指数嚟睇, 呢个价钱已经好合理喇。拎起点𩠌纸一睇, 哗！好多种类呀！数一数有成51款咁多！咁多种之中只系得3款系需要另加$4蚊, 如果有选择困难症嘅朋友真系唔知点算喇呢度菜式应有尽有, 连奄尖嘅朋友都唔洗怕啦, 应该总有一款系啱你心水嘅。虽然平日我一餐嘅份量只系食好小嘢, 食车仔面通常都只系会拣两样𩠌, 但呢度款式太多, 令我都不禁画咗四个𩠌分别系猪红+花枝
睇一睇餐牌, 呢度嘅车仔面餐系$44蚊包三个𩠌, 之后再加就$8蚊一款啦, 已经有番咁上下年纪嘅我, 虽然已经觉得唔系好平, 但系要理性地用现今社会嘅物价指数嚟睇, 呢个价钱已经好合理喇。
拎起点𩠌纸一睇, 哗！好多种类呀！数一数有成51款咁多！咁多种之中只系得3款系需要另加$4蚊, 如果有选择困难症嘅朋友真系唔知点算喇呢度菜式应有尽有, 连奄尖嘅朋友都唔洗怕啦, 应该总有一款系啱你心水嘅。虽然平日我一餐嘅份量只系食好小嘢, 食车仔面通常都只系会拣两样𩠌, 但呢度款式太多, 令我都不禁画咗四个𩠌分别系猪红+花枝条+菜肉云吞+五香猪颈肉怕肥嘅关系我唯有拣米粉丫, 而汤底呢我见佢有秘制汁所以都决定一试。我唔记得影低阿肥点咗啲乜🤭不过听佢讲佢都系拣咗四个𩠌：花枝条啦鱼片头啦鱼皮饺啦同埋贡丸添, 但佢就拣咗粗面同埋清汤底, 仲话要加只卤水鸡批认真大食, 仲叫咗杯冻柠茶走甜添。职员姨姨好好人呀, 佢本来问我饮乜嘢我话唔要㗎喇, 但佢话系送㗎你拣啦咁我唔客气啦我都叫番杯热柠茶先～
首先嚟到嘅系只卤水鸡批, 因为本身已经系熟㗎啦只系一直都喺个大电锅里面卤住热住, 上枱嘅同时仲会提供埋只胶手套俾你方便进食。阿肥话味道好好, 卤水入哂味, 鸡肉亦弹牙娇嫩, 仲有就系size都几大只, 同阿肥只手差唔多, $18蚊一只, 抵食！
之后就轮到我碗面嚟到啦哗好足料㖞⋯⋯我本身画四个𩠌都一心谂住佢可能每款都应该一两件嘅姐, 嚟到之后令我好惊喜呀, 猪红都有五六件, 质感好实, 亦好入味, 将啲米粉同秘制汁捞埋放入口, 米粉好爽粗幼度适中, 证明系靓米粉来, 而烹煮时间亦啱啱好秘制汁汤底真系好好味, 唔辣嘅, 值得一试五香猪颈肉都有四, 五块, 一样系腌得好味道, 不过略为较干身但都唔算硬嘅, 厚簿适中菜肉云吞相比之下味道就失色咗小小啦因为个外皮较厚, 不过佢有两只喺入面我已经好高兴花枝条令人好惊喜呀, 数量有五, 六条不特止, 仲要超好食, 质感弹牙好似花枝滑咁实在系顶瓜瓜呀好味到成碗都食哂, 唔做大嘥鬼
最后要赞嘅系连杯柠茶都好出色, 茶胆靓, 唔涩唔鞋, 连柠檬都唔悭有成四块咁足
唔系净系我一个人赞好㗎, 连阿肥佢都一样清哂成碗面, 食到lam lam脷, 问佢好唔好味佢都话正呀, 佢嘅评语只系话啲粗面松散咗啲有啲难夹, 但总括嚟讲佢都好满意好满足。我望一望佢嘅清汤汤底, 一啲都唔油, 应该都系唔错
最后想提嘅一样嘢系每碗面佢都会奉送生菜一两块嘅, 虽然唔系话好多但系佢呢个举动都可以令人更加心满意足了。
真心觉得住喺呢度附近嘅居民真系有口福啦
卤水鸡批
$18
20 浏览
0 赞好
0 留言
卤水鸡批
$18
13 浏览
0 赞好
0 留言
冻柠茶
$2
22 浏览
0 赞好
0 留言
四𩠌车仔面
$52
16 浏览
1 赞好
0 留言
四𩠌车仔面
$52
14 浏览
1 赞好
0 留言
张贴
