影片
更多
2011-03-19
330 浏览
复活节一个月后就到！系时候物色复活蛋之类... 我专程走嚟 K11，记得呢度有 See's Candies, Che Che New York ... 等等；最近，仲有间叫 Sticky 嘅糖果店。顺道一看！Sticky 意思解作「黏的」！形容糖果真系几贴切！呢间保留糖果艺术嘅传统手工糖果店，进驻 K11 购物艺术馆，实在最适合不过！搭扶手电梯走到地库 B2 层，转左向后行即刻见到大大个 colourful 广告牌！十分抢眼！ Sticky 虽然位于角落头，但系一样人头涌涌！最过瘾地方莫过于即席见到 3 位糖果师傅以传统方式手工做糖果，搓糖、拉糖、铲糖...所有过程一丝不苟；相当费劲！平时买糖只系完成品，做糖我都系第一次睇到，令我啧啧称奇！ 所以睇嘅人多，反而帮衬嘅人少！ 我见不少家长带埋小朋友一齐睇！期间，女店员为在场人士派上糖果，口味任君选择！并非小朋友先有，连大人亦有份！认真周到！不论大人小朋友见到七彩缤纷、颜色夺目嘅糖果，会零舍开心！ 店子并不大，占一半系手工糖果工作坊，以波板糖图案为背景，当然不少得波板糖！店内另一半糖果琳瑯满目！各式其式！有 meaning 系列：Thank
我专程走嚟 K11，记得呢度有 See's Candies, Che Che New York ... 等等；最近，仲有间叫 Sticky 嘅糖果店。顺道一看！
Sticky 意思解作「黏的」！形容糖果真系几贴切！
呢间保留糖果艺术嘅传统手工糖果店，进驻 K11 购物艺术馆，实在最适合不过！
搭扶手电梯走到地库 B2 层，转左向后行即刻见到大大个 colourful 广告牌！十分抢眼！ Sticky 虽然位于角落头，但系一样人头涌涌！最过瘾地方莫过于即席见到 3 位糖果师傅以传统方式手工做糖果，搓糖、拉糖、铲糖...所有过程一丝不苟；相当费劲！平时买糖只系完成品，做糖我都系第一次睇到，令我啧啧称奇！ 所以睇嘅人多，反而帮衬嘅人少！ 我见不少家长带埋小朋友一齐睇！
期间，女店员为在场人士派上糖果，口味任君选择！并非小朋友先有，连大人亦有份！认真周到！不论大人小朋友见到七彩缤纷、颜色夺目嘅糖果，会零舍开心！ 店子并不大，占一半系手工糖果工作坊，以波板糖图案为背景，当然不少得波板糖！店内另一半糖果琳瑯满目！各式其式！有 meaning 系列：Thank you, I love you, Heart Rock，好意头系列：福、囍；仲有水果味，杂锦味，哈哈笑，公仔图案：猪仔，熊猫...等等。Size : 70g, 130g, 150g, 225g, 500g, 1kg. 以售卖70g ( 包装 $38 起 / 樽装 $48 起 ) , 130g ( 包装 $88 起 ) , 150g ( 樽装 $88 起 ) 为主。樽装另有熊仔樽装！ 价钱认真唔平！ 相信贵在手工！
Rock Mix 70g $58 糖果好像七彩棋子！ 由于人手制造，每粒糖长度参差不齐！我数过有 37 粒，平均唔使 $2 粒！抵食过名牌朱古力！ 多款图案包括：西瓜、奇异果、香蕉、苹果、橙、提子、梨、柠檬、青柠...等等。 我食咗好几粒：菠萝图案 ( 试食 )、士多啤梨图案、好像艺术玻璃红黄色图案这粒；最外层糖味道清甜，食到中间有图案部份比较硬，而且较为酸甜；不用 5 分钟成粒糖已经溶哂！整体味道尚算不错！唔系想像中咁甜，适合香港人口味；相信我会最后食蓝色这粒。
另外，下次帮衬带回旧 Sticky 吉樽，会平啲架！请见 Price list !而家我仲考虑紧买唔买嚟送俾朋友做复活节小礼物！
张贴
