尚點 小籠包.上海麵館 (置富第一城) (已結業)

中午行过揾地方食午餐，，见呢间唔使排队可以直接入去，一于试下午市套餐睇吓好唔好食先。个套餐都几多嘢食，有一个前菜，有一个主菜，同埋嘢饮。一行两人叫咗两个套餐，前菜分别要咗凉拌粉皮同埋蒜香四季豆，蒜香四季豆系好香嘅好惹味，凉拌粉皮就淡左少少。主菜叫咗一个嫩鸡煨面，同埋一个三鲜汤年糕，个面几好味，叫做鲜甜，但系菜多个鸡。至于个汤年糕，有好浓郁嘅金华火腿味道，个汤底好好味，但系啲年糕都唔系好多。加咗$12叫咗一个锅贴，正正常常冇咩特别。饮品叫咗杯冻酸梅汤，味道有少少怪，唔识形容。