都佐 (已結業)

Item: 都佐
Rating: 4
Author: wongtszB

DouZo

78 食记

味道

环境

服务

卫生

抵食

2627

荃湾

$101-200

日本菜咖啡店

wongtszB

等级3

第一次写食评，其实我唔太识点写，是旦啦，有果句讲果句啰😅去呢间餐厅其实都系俾佢既门口装修吸左入去，餐厅俾两间车房夹住既感觉其实画面都几搞笑😅。。仲要配合埋隔离车房哥哥无上装既衬托，更加增加左我对呢间餐厅既好奇🤔。由门口装修到内部粉饰都睇得出呢度既老细应该都好有要求，一入度去装修好干净利落，望见都想打番个靓卡先。。虽然铺头唔大，枱都系得几张，但系佢居然有埋坐bar枱既设计，令到客人都可以清楚欣赏到咖啡师既用心冲调,老老豆豆我今日就冇睇到喇🤣🤣,因为我同朋友仔舒舒服服坐左张四人枱😎讲埋啲野食先，我抱住咩都试下冇衰既精神是旦笃左几样☝️,冷稻庭乌冬伴柚子醋，塩曲豚肉配酱油蛋油渍和风饭团，cappuccino,matcha red bean roll,Bailey roll😋逐个讲下先，第一样黎到系杯cappuccino,话说我叫果时就问我唔想苦又中意甜啲咁叫咩好，店员都好细心咁同我介绍，仲同我整左杯客制咖啡配合我既喜好，呢样野我又觉得几窝心㖞，咁当然杯野饮落去都岩晒我既口味啦❤️睇drink menu 结果佢都有好多款唔同既咖啡，我谂中意咖啡既人黎度呢度应该会好开心🤣冷稻庭乌冬伴柚子醋，望个名其实都估到大概系咩咪，咪酸啰😅,但事实上又同我预期有出入㖞，先讲卖相，中规中距啦，惊喜就冇咩喇，女仔食份量ok la,不过我好想讲下个味道，一入口酸酸的，但系慢慢又有啲甜，唔通系啲蛋丝既配合？味道系ok 的，不过我觉得会偏向女仔中意既口味，乌冬当然爽，最搞笑系食完个口会好清新😂跟住有塩曲豚肉配酱油蛋油渍和风饭团，呢个真系赞，先讲卖相，望落好似好啲少㖞，个碟都几空档下😫，但食落原来一啲都唔少，果三旧饭团足够令你饱住走😋碟上边果几样野真系互相配合，夹埋黎食真系味道up,豚肉香脆煎得惹味，但略嫌薄切，唔太揾到满足感，但味道完胜，希望佢之后可以豚肉厚番啲就好喇，冇得唔讲只蛋，酱油蛋油渍，我鬼知佢咩黎咩😭今次真系第一次食喇，蛋酱好浓，好滑，再加埋酱油捞落旧饭团冇得输，真系超推介❤️至于甜品方面，卖相简约舒服，抹茶啲cream真系浓香，食到抹茶既甘香,会好自然咁食完一啖再一啖。。但系蛋糕面就略嫌干左少少，不过都值得食既👍
价钱方面荃湾区可能系属于中高价，但系计番装修，环境，食物质素又对得住呢个价㖞，我最中意系佢既气氛真系令人好放松，店员唔错呀，好主动又nice, 同埋呢度个老板娘仲要系个靓女,望到佢我就明点解装修咁靓啦😂