影片
更多
2011-01-09
105 浏览
天气好冷冻，一入到熟食中心，见到好多枱系度打边炉又或明火羊腩煲呀，劲吸引 ~ 但无奈地 lunch 唔够时间打边炉呢，同事们亦不感兴趣，又有同事唔食羊，连羊腩煲都幻灭 ~ 无紧要，返工无计啦 ~ 食小菜，一人叫一款，食完急急脚返公司 ~粟米斑块，哗 ﹗一咬落去吓亲，好胶吓㖞，啲粉又厚又靭，同块鱼既厚度差不多，唔掂、好差噃，炸粉多过鱼。凉瓜炒鱼松，味道麻麻地，仲以为鱼松即系一粒粒细细架呢，原来只不过系鱼滑煎成鱼饼再切片之麻，咸而不鲜，整体味带甘，不苦，镬气欠棒。蒜蓉炒白菜，都系麻麻地，镬气欠棒，虽则大火略炒可保存维他命及营养，但白菜唔够甜，唔够热，稍为生左啲，口感爽得黎偏硬。椒盐鲜鱿，估唔到最好食系依道菜，炸得香口、松化、金黄色，口感爽夹咽靭，配喼汁同起，好开胃，不停咁食。萝卜牛腩，啲萝卜都唔甜既，有酸味，平价货，炆得唔够耐，唔入味而且口感硬。牛腩都唔错，炆得够腍又入味，捞饭一流。金银蛋菠菜，又系咸蛋，无咩特别，皮蛋咸蛋捞菠菜，菠菜好新鲜。京都肉排，酸酸甜甜，好味。咸蛋蒸肉饼，味道同口感都算满意。但好多肥猪肉，较松散，虽然加肥猪肉会更香，不过太多了吧，肉同肥膏比例不好，令到猪肉味不足，而
粟米斑块，哗 ﹗一咬落去吓亲，好胶吓㖞，啲粉又厚又靭，同块鱼既厚度差不多，唔掂、好差噃，炸粉多过鱼。
凉瓜炒鱼松，味道麻麻地，仲以为鱼松即系一粒粒细细架呢，原来只不过系鱼滑煎成鱼饼再切片之麻，咸而不鲜，整体味带甘，不苦，镬气欠棒。
蒜蓉炒白菜，都系麻麻地，镬气欠棒，虽则大火略炒可保存维他命及营养，但白菜唔够甜，唔够热，稍为生左啲，口感爽得黎偏硬。
椒盐鲜鱿，估唔到最好食系依道菜，炸得香口、松化、金黄色，口感爽夹咽靭，配喼汁同起，好开胃，不停咁食。
萝卜牛腩，啲萝卜都唔甜既，有酸味，平价货，炆得唔够耐，唔入味而且口感硬。牛腩都唔错，炆得够腍又入味，捞饭一流。
金银蛋菠菜，又系咸蛋，无咩特别，皮蛋咸蛋捞菠菜，菠菜好新鲜。
京都肉排，酸酸甜甜，好味。
咸蛋蒸肉饼，味道同口感都算满意。但好多肥猪肉，较松散，虽然加肥猪肉会更香，不过太多了吧，肉同肥膏比例不好，令到猪肉味不足，而且整个送比较淡口，要加豉油提味。
啫啫三杯排骨煲，唔够热，好明显系炒完后直接倒落个煲度就算，连个煲都唔够热既，过份地求其 ﹗味道好好，好香，排骨肉香且入味，加埋猪润一齐煮，令香味同味道都更提升。
三菇炆黄金豆腐煲，听落似乎好健康，但其实几油吓。见到三菇得什菜以及炸过既玉子豆腐，味度唔错，几好食，什菜新鲜爽嫰，玉子豆腐又香又滑。
生炒骨，个人都系够喜欢咕噜肉多啲，无骨又啖啖肉。衣个送还可以啦，炸得香脆，味道酸酸甜甜，大路稳阵，不是什么古法正宗炮制。
张贴
