穴の酒販 (將軍澳中心)

营业中

休息中

同几个同事中午1245黎到，店面唔多客，坐得舒服，黎食lunch都预左要200蚊咁上下，系我唔好，食日本餐厅应该叫返日本野，真心日本野系无问题，正正常常对得住个价钱…但我叫左个安格斯牛御食，真系好耐未食过咁难食嘅牛，首先牛肉榎到不知所谓，又散又霉，牛肉个汁咸到痴左线，十个咸佢有9.9，又咸又涸喉，同个牛肉真系绝配，就算我配菜食都顶唔顺。我衰仔我肚饿我错，$178个餐我食晒，食左第一啖有谂过举有放弃唔食，但$178好贵我淆底，最后无留咩证据，侍应嚟执枱𠮶阵，我忍唔住同个侍应讲呢个餐真系好难食，跟住经理行过嚟，话下次食到第一啖有问题就应该讲，我话我表达吓啫唔系揾交嗌，又唔系要退钱。大家有机会真系可以黎试吓食佢个牛，包你有一番新体会。btw 依家牛肉汁𠮶个咸味涸住我个口腔。