金仔米缐

营业中

休息中

因为工作关系，好多时都会系禾𪨶附近觅食，呢间金仔米线已经食左无数咁多次。通常谂唔到附近有咩食，就会谂到佢架啦。今日自己食左个麻辣汤的米线，佢地仲有得叫唔同的辣度，我就叫左小辣。呢个系其中一个Pre-set的午市套餐，仲包杯饮品，呢个有三个𩠌，句括猪扒、沙拉丸和肠仔。肠仔系普通厨师肠，无咩特别，沙拉丸几好食，个人最钟意系佢地的猪扒，我每次都会叫。猪扒唔会un，亦唔会切得太薄，有啲咬口，味道好食，而且每次都有2块，算得上大方。至于米线方面软硬度适中，个汤底也有一点点的麻辣味，其实亦唔算辣，仲会有些芽菜、韭菜和腐竹，各样味道都唔错。佢地主打仲有个汤底叫金仔汤底，个人就觉得有些咸。佢地的地方都几大几多位，通常谂唔到食咩就会来。