永樂園餐廳

营业中

休息中

港式茶餐厅依家买少见少。永乐园都可以话系中环茶餐厅嘅表表者啦。系中环做过野嘅，冇乜理由未食个永乐园架啦。今日晏昼食一个葱豉油王鸡髀意粉。姜葱系香港人必食架啦。好味道，如果捞饭可以食晒成碗饭。估唔到捞意粉都比我食晒成碟意粉。鸡髀大大只又唔算好滑，但系又唔可以话系鞋啦。加埋系啲豉油王其实算系唔错㖞。意粉就梗系港式意粉啦。唔好expect系意大利𠮶啲好有咬口嘅靓意粉呀。不过都算唔错。唔系林啤啤冇咬口𠮶种。罗宋汤都算唔错有好多蔬菜喺里面几足料嘅。酸得来呢都偏辣。其实几开胃嘢味。之后梗系加一杯跟餐嘅冻鸳鸯。其实个人认为茶餐厅饮咖啡就等于自杀。多数呢啲茶餐厅咖啡都唔好饮，有啲隔夜嘅话仲会系酸嘅。喺茶餐厅港式奶茶呢就多数好饮㖞。想饮咖啡攞个感觉呢我就会拣鸳鸯。呢度嘅冻饮大大杯好抵饮，而且感觉都几滑。中午提吓神都几唔错。间中都钟意呢度打下趸。点餐姐姐又唔算好有礼貌，但又唔会冇礼貌。要赞系做嘢好有速度。喺香港全世界都赶时间架啦。所以都OK啦。