Outback Steakhouse (分域街) (已結業)

烧比目鱼柳 $158鱼下面会有饭，所以都饱。鱼皮已经唔脆，成条鱼肉都偏淋，但都好滑。旁边嘅蔬菜都煮得好淋，可以食到。澳洲和牛纽约牛扒 $288叫咗5成熟，出街睇好熟咁，其实入面岩岩好，大约7成左右啦，都几嫩。牛扒好香肉味，少少筋位，唔太多。可以拣2个配菜，拣咗特色鸡味饭同薯条，薯条热辣辣好脆，而且入面好多薯仔。lunch set仲会有黑糖面包、饮品、汤，汤系洋葱忌廉汤，好多洋葱好浓味。黑糖面包可以任食，热辣辣好软熟，一定要搽多多牛油仲正。饮品冻饮都唔洗加钱，仲可以任饮，特饮除外。不过好饱，都冇添饮到。不过舖头比较热，冷气唔够，加上正午坐窗边晒住。