龍湖居 (已結業)

和同事去龙湖居饮茶，久不久我哋都会嚟呢度开餐，食开知道味道OK。虾饺皇，两粒 -中点可以剔两粒或四粒，虾饺皮薄，虾够弹牙，唔觉有肥猪肉，好味。迷你瑶柱珍珠鸡-大点一碟两只，糯米饭够绵软熟，够汁，包肚。凤爪排骨钵仔饭钵仔细细可以分到两碗仔，排骨差不多铺满饭面，排骨腍滑，米饭软熟。脆皮鲜虾肠- 顶点肠粉皮包住油炸鬼，油炸鬼里面酿入虾胶、红萝卜幼条、中芹幼条，相当脆口好食，有水准。真系菠萝包 –中点菠萝包上面嘅皮，脆脆地，菠萝包入边有馅嘅，就系菠萝肉，真正嘅菠萝(水果)，加上菠萝蓉酱汁，相当有趣同好食。