和田便當 (已結業)

金钟中午时间都有好多人，商场有好多食店但食物价位都偏贵。最后决定去海富中心觅食，呢到都有好多选择。见到呢间舖好特别，有几部「便当机」同一部机放饮品，另外仲有一位职员系旁边协助。「便当机」有个大萤幕可以拣饭盒，一共有五款，每款都几吸引，重点系价位十分相宜！见到有啲机既饭盒已经sold out，最后我去左另一部机拣左新餐肉杂炒冲绳苦瓜便当😆原本只系贪得意想试下，但原来份量都唔少。苦瓜几厚肉多汁，完全唔会老亦无渣；餐肉唔系平时食开既午餐肉，会食到有一条条肉丝，味道亦唔会太咸；配菜有玉子、紫椰菜同番茄仔等，玉子甜甜地，紫椰菜腌制过有啲酸，感觉更开胃😋便当整体味道都唔错，最抵赞系便当依然保持温度。便当入面其实有酱汁，但包装得好好，所以滴水不漏，仲附送一对筷子，好贴心。