Ocio (已結業)

每次嚟葵芳好似净系去葵广咁，其实地铁站一出去嘅新都会广场都几多嘢食！今次食左呢间cafe，午餐menu嘅性价比超高。餐汤呢个汤可以话系我饮过嘅忌廉汤里面，最浓郁个个！重本重本！白汁鸡皇意粉呢个意粉亦都非常creamy，每条意粉都挂满白汁，一摆入口就知啦！仲有大量鸡肉同菇类，食到尾都仲有好多肉同菇。价钱系68蚊，简直系无得顶呀。高汁意粉，但只要几十蚊！手打汉堡配薯角呢个set真系饱肚之选！个汉堡超大个，仲有好多薯角。汉堡包层次丰富，沙律菜、蕃茄、肉扒、芝士、烟肉、蘑菇、肉酱，真系咬落去口感好正。薯角热辣辣炸起，枱上面仲有一枝茄汁任挤！