Next Station Dessert (已結業)

食完饭食埋甜品就圆满啦，见到呢间唔错又咁岩做紧心太软半价，就要试下佢个心太软啦！朱古力心太软配曲奇雪糕 ($58 / 半价后$29)，可以从4款酒(Rum, Grand Manier, Baileys, Tequila Rose) 选一款，唧入心太软中间，waiter 介绍了配Baileys。心太软用左54%朱古力，外面焗得脆脆，流心做得不错，朱古力浆很浓郁，好味！可能入面已经好full，未切开之前唔太唧到酒入去，会流返出黎，切开左再唧又觉得冇咁好玩，自己又觉得一般配合，因为朱古力浆好厚感，酒就好水感，两样唔太捞到，专登搅匀佢又有d核突！个曲奇雪糕就唔太掂啦，冇咩味，直头冇咩雪糕feel，好似曲奇奶水造的冰... 朱古力心太软系好味，曲奇雪糕要改善！绿茶心太软配野莓乳酪雪糕 ($58 / 半价后$29), 心太软上有红豆，切开心太软，流心不欺场，味道可以，蛋糕没有朱古力那个咁脆身，未算好出色，反而个野莓乳酪雪糕好好味，好香好滑！如果有朱古力心太软配野莓乳酪雪糕就prefect 啦！依家每款都系得一半好味！