影片
更多
2024-09-03
129 浏览
《Mojo Bistro - 中环》平时过开嚟中环，都会揾一啲特色嘅西餐厅试吓，今次喺朋友嘅推介吓嚟咗位于石板街附近嘅楼上西餐厅食晚餐，餐厅嘅装修好有格调，有露台位亦都有大量室内位，平时happy hour时段饮杯嘢应该几唔错🤓餐厅逢星期一至日都会有指定餐品做半价优惠，当日星期二就有烟熏三文鱼子蟹饼配蒜香蛋黄酱做优惠，咁就梗系试吓佢啦😝今次我同个旧同事叫咗四样嘢食share食，食到最尾都几饱连甜品都放唔落🤥如果唔系都想试吓佢个打卡一流嘅Tiramisu，唯有下次啦💁🏻♀️烟熏三文鱼籽蟹饼配蒜香蛋黄酱虽然话系半价嘅菜式，但系食落一啲都唔马虎，睇落个样平平无奇，但系一入口就食到一丝丝嘅蟹肉同埋烟三文鱼嘅鱼香，上面嘅三文鱼籽爆开之后有一阵咸香味，再点埋好惹味嘅蒜香蛋黄酱，呢度菜式都令人几惊喜💁🏻♀️牛骨髓伴炒野菌安格斯牛肉本身决定食呢间餐厅系因为见到佢呢条大大嘅牛骨，一般出去食都系食佢软绵绵嘅牛骨髓的，但系呢一度嘅做法系将牛骨髓煮熟咗变成固体后再切粒炒野菌，而入面嘅牛肉粒食落都几软腍腍，不过不得不提嘅系用嚟做配菜嘅薯蓉好好食😋喺面包上搽满薯蓉再放牛骨髓同野菌后一啖食落口，个味道多层次又充满油
平时过开嚟中环，都会揾一啲特色嘅西餐厅试吓，今次喺朋友嘅推介吓嚟咗位于石板街附近嘅楼上西餐厅食晚餐，餐厅嘅装修好有格调，有露台位亦都有大量室内位，平时happy hour时段饮杯嘢应该几唔错🤓餐厅逢星期一至日都会有指定餐品做半价优惠，当日星期二就有烟熏三文鱼子蟹饼配蒜香蛋黄酱做优惠，咁就梗系试吓佢啦😝今次我同个旧同事叫咗四样嘢食share食，食到最尾都几饱连甜品都放唔落🤥如果唔系都想试吓佢个打卡一流嘅Tiramisu，唯有下次啦
💁🏻♀️烟熏三文鱼籽蟹饼配蒜香蛋黄酱
虽然话系半价嘅菜式，但系食落一啲都唔马虎，睇落个样平平无奇，但系一入口就食到一丝丝嘅蟹肉同埋烟三文鱼嘅鱼香，上面嘅三文鱼籽爆开之后有一阵咸香味，再点埋好惹味嘅蒜香蛋黄酱，呢度菜式都令人几惊喜💁🏻♀️牛骨髓伴炒野菌安格斯牛肉
本身决定食呢间餐厅系因为见到佢呢条大大嘅牛骨，一般出去食都系食佢软绵绵嘅牛骨髓的，但系呢一度嘅做法系将牛骨髓煮熟咗变成固体后再切粒炒野菌，而入面嘅牛肉粒食落都几软腍腍，不过不得不提嘅系用嚟做配菜嘅薯蓉好好食😋喺面包上搽满薯蓉再放牛骨髓同野菌后一啖食落口，个味道多层次又充满油香👍🏻💁🏻♀️香煎鸭肝配焦糖苹果多士
不嬲都话鸭肝鹅肝呢一类食材最配就系甜甜地嘅果酱，鸭煎香左之后口即溶，配埋脆脆嘅多士同埋香甜嘅苹果蓉一齐食，一来冇咁漏，二来可以提升咗鸭肝嘅香气，必试💁🏻♀️美国猪鞍扒
当日我哋只系叫咗一个主食，不过我哋另外加咗黑松露薯条做配菜，两个人食四个菜式都已经够饱，呢个猪鞍扒要少少时间处理，所以最好早少少落单叫咗先，猪肉食落唔韧而且冇渣，可能系慢煮过嘅关系，佢嘅肉质都几软嫩，我觉得最好食就系骨位嘅部份，啲筋膜食落好香猪肉味同埋有口感😍有机会想试埋佢个牛扒㖞
张贴
