影片
更多
2018-09-07
432 浏览
唔知食乜好，跟住放工人潮流左去 APM。行左一圈都冇心水，最后去左鳄鱼裇大厦的太兴，顺便探吓 my hero 。有新 menu 㖞，系食住瘦的减磅菜单，有 「招积鸡胸饭」即去皮鸡胸肉饭，「𠮩𠹌烧肉饭」即去皮烧肉饭，旁边仲计晒卡路里。可惜佢无论 idea 同相片都非常唔吸引，白雪雪冇颜色完全走晒汁。烧肉最好味的皮都冇，人生仲有乜意义？即系望返原本的餐牌算了，有返D色，肚饿的感觉返晒来。命中注定我瘦唔到了⋯⋯胡椒鱼肚鸡窝 $68香浓胡椒汤底，暖胃又醒神。配料多多，有鲜鸡、鱼肚、木耳、冬菇同红枣等等。都算足料架，$68 单锅，如果加埋冻饮品同饭加 $22， 即系实际要 $90。茶餐厅来讲已经系我可接受范围的上限了.....虾皇酱通菜鲜鱿 $60呢碟卖相一般的炒通菜，其实好香又辣辣地好惹味，D菜一住一住食到停唔口。可惜鱿鱼就一般啫，冇乜鲜味，擦胶 feel 。又系啰，转套餐要加 $22， 即变 $82..... 咪再加价啦跟餐冻奶茶 冻奶茶梗系饮冰镇啦， my hero 冇得输，浓滑好味，系香港的味道。可惜.... 上枱时胶盖面加左料，有好多点点的啡色物体。反覆观察下，估计系咖啡渣或者茶叶渣或
行左一圈都冇心水，最后去左鳄鱼裇大厦的太兴，顺便探吓 my hero 。
有新 menu 㖞，系食住瘦的减磅菜单，有 「招积鸡胸饭」即去皮鸡胸肉饭，「𠮩𠹌烧肉饭」即去皮烧肉饭，旁边仲计晒卡路里。可惜佢无论 idea 同相片都非常唔吸引，白雪雪冇颜色完全走晒汁。烧肉最好味的皮都冇，人生仲有乜意义？
即系望返原本的餐牌算了，有返D色，肚饿的感觉返晒来。命中注定我瘦唔到了⋯⋯
胡椒鱼肚鸡窝 $68
香浓胡椒汤底，暖胃又醒神。配料多多，有鲜鸡、鱼肚、木耳、冬菇同红枣等等。都算足料架，$68 单锅，如果加埋冻饮品同饭加 $22， 即系实际要 $90。茶餐厅来讲已经系我可接受范围的上限了.....
虾皇酱通菜鲜鱿 $60
呢碟卖相一般的炒通菜，其实好香又辣辣地好惹味，D菜一住一住食到停唔口。可惜鱿鱼就一般啫，冇乜鲜味，擦胶 feel 。又系啰，转套餐要加 $22， 即变 $82..... 咪再加价啦
跟餐冻奶茶
冻奶茶梗系饮冰镇啦， my hero 冇得输，浓滑好味，系香港的味道。
可惜.... 上枱时胶盖面加左料，有好多点点的啡色物体。反覆观察下，估计系咖啡渣或者茶叶渣或者系佢地D 朋友，总之应该冇伤害性的，所以照饮了，好彩有胶盖档住，但都希望餐厅可以注意吓。
张贴
