新大光燈

营业中

休息中

公司附近新開既南豐紗廠，入面有好多間餐廳，都係主打文青路線，但價錢就比較高檔呢。呢間算係比較平價既粥店，裝修都算幾有特色，臨近月尾=糧尾，作為窮人的我Lunch就當然係要平食，所以就同同事黎左呢間食。我就點左個艇仔粥，個粥都算多料既，有魚肉、有魷魚、有蝦，30蚊貨仔，味道算唔錯，都鮮甜的，對得住佢個價啦。因為嫌食粥太淡口，所以我地就點多個炸兩，share黎食，炸兩係即製，入面個油炸鬼好脆，味道就一般。除返開，埋單都是40蚊，平食但質素都唔錯，值得推薦呢。