影片
更多
2011-06-11
29 浏览
唔想去咁远、但系又想食海鲜同小炒, 所以就谂起去屋企附近鸭脷洲嘅发记, 而且, 呢度一过咗夜晚10点就会有特价嘢食推出, 真系啱晒我呢啲夜鬼!去度咁啱有一张细枱, 唔驶等, 正! 今晚得自己一个人食, 就食下平时唔系咁多机会食嘅猪膶先, 叫咗个白灼三宝:即系有墨鱼、猪膶同鹅肠, 再叫多个蛏子皇, 喺入嚟前见到大大只先$18蚊只, 抵!!!两样嘢好快送到, 当然唔少得支啤酒送饭啦! 一食个蛏子皇, 好新鲜, 啲肉好弹牙, 唯一唔够正系个豉椒汁唔够惹味, 都系𠮶句, 金山做呢个𩠌最好食! 再食下个三宝, 哗!正呀! 所有嘢都灼到啱啱熟就送上枱, 墨鱼够新鲜、猪膶唔会<鞋>口又好味, 而个鹅肠就非常爽口, 三様嘢点个辣椒豉油, 再呷一啖啤酒, 正到震!!!虽然一个人食, 但系都唔太够饱, 所以就叫咗四只果皮蒸鲍鱼, 又系好有效率咁快快送到, 呢个又系四个字形容: 新鲜弹牙!中国人真系叻, 谂到用果皮<吊>起鲜鲍鱼嘅味道!!!最后, 都系意犹未尽, 见到特价嘢度有个只系$32蚊嘅豉椒炒蚬, 所以都系忍唔住口叫住一碟, 几好, 由份量睇嚟无话因为特价而少咗, 食落
去度咁啱有一张细枱, 唔驶等, 正! 今晚得自己一个人食, 就食下平时唔系咁多机会食嘅猪膶先, 叫咗个白灼三宝:即系有墨鱼、猪膶同鹅肠, 再叫多个蛏子皇, 喺入嚟前见到大大只先$18蚊只, 抵!!!
两样嘢好快送到, 当然唔少得支啤酒送饭啦! 一食个蛏子皇, 好新鲜, 啲肉好弹牙, 唯一唔够正系个豉椒汁唔够惹味, 都系𠮶句, 金山做呢个𩠌最好食! 再食下个三宝, 哗!正呀! 所有嘢都灼到啱啱熟就送上枱, 墨鱼够新鲜、猪膶唔会<鞋>口又好味, 而个鹅肠就非常爽口, 三様嘢点个辣椒豉油, 再呷一啖啤酒, 正到震!!!
虽然一个人食, 但系都唔太够饱, 所以就叫咗四只果皮蒸鲍鱼, 又系好有效率咁快快送到, 呢个又系四个字形容: 新鲜弹牙!中国人真系叻, 谂到用果皮<吊>起鲜鲍鱼嘅味道!!!
最后, 都系意犹未尽, 见到特价嘢度有个只系$32蚊嘅豉椒炒蚬, 所以都系忍唔住口叫住一碟, 几好, 由份量睇嚟无话因为特价而少咗, 食落又无沙, 反而唔明点解呢个豉椒汁惹味过蛏子皇𠮶个?!
如果星期六、日嚟嘅话, 呢度一定要等位, 闲日嚟我都系第一次, 可能因为无咁多人嘅关系, 服侍比假期嚟更好, 上菜速度更快；呢度开到凌晨2点, 如果要夜晚食新鲜海鲜同小炒嘅话, 呢度一定系南区嘅不二之选! 仲要夜晚10点后有特价, 就令到人觉得更加抵食!!!
张贴
