影片
更多
2022-10-31
1449 浏览
间唔中都会嚟西湾河食下嘢，最钟意就系去太安楼扫街。今日约咗朋友嚟呢边食晏，本来打算过去食车仔面，点知友人话揾到间新食肆，想同我去试下。餐厅主打星马泰美食，而午市就有 Lunch Set 供应，选择都几多，足足有成 20 款，而且定价合理，绝对系街坊之选。我哋每人拣咗个餐：香草炒猪肉碎、煎蛋配白饭 ($78) 同 砂煲老鼠粉 ($78)，另外再加咗份小食。椰香咖央多士配半熟蛋 ($38) 多士烘得很香脆，咬落咔嚓作响。面包入面涂满了咖央酱，入口有好重椰香味，配埋中间嘅半溶牛油，味道一流。至于两只半熟蛋，水准亦很不错，烹调时间控制得啱啱好，加入黑酱油，吃起来满有蛋香，如果可以配少许胡椒粉，就更添美味。肉碎饭味道亦唔错，猪肉碎加咗豆角、辣椒同香叶嚟炒，入口辣中带鲜、咸香味浓，超惹味。米饭粒粒分明，配埋只脆边嘅煎蛋一齐食，真系无得输。第一次食呢款老鼠粉，用砂煲上，好有份量。原来老鼠粉即系银针粉，入面嘅材料好丰富，有樱花虾、鱼干、肉碎、花生、半只蛋、菜甫同葱花等，捞匀一齐食，粉条滑溜弹牙 ，湿润又带阵阵豉油香，绝对值得一试。跟餐饮品点咗杯冻桔仔话梅水 (+$3)，味道酸酸咸咸，生津解渴，好爽！
间唔中都会嚟西湾河食下嘢，最钟意就系去太安楼扫街。今日约咗朋友嚟呢边食晏，本来打算过去食车仔面，点知友人话揾到间新食肆，想同我去试下。
餐厅主打星马泰美食，而午市就有 Lunch Set 供应，选择都几多，足足有成 20 款，而且定价合理，绝对系街坊之选。
我哋每人拣咗个餐：香草炒猪肉碎、煎蛋配白饭 ($78) 同 砂煲老鼠粉 ($78)，另外再加咗份小食。
椰香咖央多士配半熟蛋 ($38) 多士烘得很香脆，咬落咔嚓作响。面包入面涂满了咖央酱，入口有好重椰香味，配埋中间嘅半溶牛油，味道一流。
至于两只半熟蛋，水准亦很不错，烹调时间控制得啱啱好，加入黑酱油，吃起来满有蛋香，如果可以配少许胡椒粉，就更添美味。
肉碎饭味道亦唔错，猪肉碎加咗豆角、辣椒同香叶嚟炒，入口辣中带鲜、咸香味浓，超惹味。米饭粒粒分明，配埋只脆边嘅煎蛋一齐食，真系无得输。
第一次食呢款老鼠粉，用砂煲上，好有份量。原来老鼠粉即系银针粉，入面嘅材料好丰富，有樱花虾、鱼干、肉碎、花生、半只蛋、菜甫同葱花等，捞匀一齐食，粉条滑溜弹牙 ，湿润又带阵阵豉油香，绝对值得一试。
跟餐饮品点咗杯冻桔仔话梅水 (+$3)，味道酸酸咸咸，生津解渴，好爽！至于另一杯槟城白咖啡，口感亦非常香滑，甘醇芳香，完全无苦涩味。
张贴
