吃茶三千 (V Walk)

营业中

休息中

由长沙湾行下行下，行到落南昌，我对脚都未见攰，但好口渴就真！我地买完晒灯笼，就去左V walk入面继续行同叹下冷气！朋友就话V walk有间出名用萃茶机来萃取茶饮，仲要有成6款茶底。所以我就听左朋友介绍，一人买一杯。因为最近手摇店有个蜜桃系列，太爱蜜桃既我就拣左杯蜜桃冰茶。而朋友仔就拣左杯夏日必饮既水果茶⋯ 店员都有话佢地全部茶种都获得国际风味评鉴颁发既奖，唔怪之得佢地出名到又系荃湾CityWalk开分店啦！ ⦁蜜桃冰茶 $40可以自选甜度同冰度，因为有D人同我一样都怕好甜既野。我拣左半甜少冰，对我黎讲第一啖会太甜，之后饮多几啖就还好，可能系我未搅匀。入面超多果肉🍑，仲要好新鲜。岩晒钟意蜜桃既我。😍 ⦁宝岛经典水果茶 $36尼款就固定左甜度同冰度，但唔洗少甜果甜度都岩岩好。虽然咁多水果，但个茶味都几出，听讲好似系用左凤眉红茶。 我见都几多人买，如果人多，建议嗌完可以shopping下，再番去拎。另外店舖果包装好特别好靓，仲有种文青feel。尼间我应该会系荃湾狂买，可能每日一杯添😜。