泰濃麵 (樂道)

营业中

休息中

平时食泰式船面来来去去都系得猪牛鸡，呢间有海鲜拣，有卜卜蚬、广岛蚝，想食豪啲仲有原只波士顿龙虾。汤底可以拣船汤、冬阴公汤或清汤，比其他船面店更多选择。除咗船面，亦有多款泰式小食。冬阴公卜卜蚬河粉卖相靓，卜卜蚬比想像中大只，只只鲜甜无沙。除咗蚬仲有虾、青口同蟹柳，好丰富冬阴公汤少辣带微酸，唔会太重口味河粉爽滑唔会一夹起就断。顶级安格斯牛肉金边粉(船汤)，牛肉片生熟程度啱啱好，牛肉味浓郁。船汤香料味道突出但唔会过份油腻配料有鱼蛋、炸猪皮、秋葵同白萝卜。泰式炸虾饼一份有三件，新鲜炸起嘅虾饼表面脆，内里爽弹有粒粒虾肉泰式青柠梳打特饮用上原枝泰国梳打水，落单时嗌咗少冰，青柠汁有成半杯咁多，沟埋梳打水味道酸酸甜甜好清新，好适合夏天饮总括嚟讲食物质素几好，份量唔少，两个人食两碗面加一个小食都好够饱，而且价钱合理。