潮盛館

营业中

休息中

同朋友叙旧，去咗一间观塘工厦近观塘道的潮州菜馆。位置有少少隐蔽，估唔到里面全场满咗，可能口碑好。装修新净，坐得有少少挤拥，但还可接受，店员服务有礼。潮盛卤水鹅片（例）鹅片肉质唔错，新鲜爽口，卤水得啱啱好，有豆腐垫底，豆腐同样新鲜爽滑。潮盛拔丝咕噜肉真店之宝，枱枱都有一碟，摆位卖相靓，和普通的咕噜肉相比外皮较脆身，肉质保持嫩滑，有菠萝装饰伴碟，令人开胃醒神。潮盛炸蚝饼新鲜即制，蚝饼炸得松化，蚝仔份量足。蚝仔粥（一锅份量）蚝仔数量都算多，加咗翠玉瓜粒粒，增添口感。总括嚟讲，食物质素唔错，而且价钱合理，仲唔使+1添，怪唔得座无虚席，下次会再帮衬。