咖哩烤肉和印度餐廳

营业中

休息中

今日下午经过和宜合道熟食中心，再度光临呢间餐厅。点左一份印度烧春鸡同埋一杯芒果奶昔。芒果奶昔由新鲜嘅芒果榨出嚟，价钱比一般嘅印度或巴基斯坦餐厅用芒果果汁沟出嚟嘅贵，但系好明显可以分得出新鲜芒果同芒果果汁嘅分别，$31绝对值得一试。另外，印度烧春鸡继续保持应有嘅水准，鸡肉唔会太过干身，保持肉质嘅嫩滑，铁板上嘅烧春鸡保持热辣辣，加上绿色嘅特色薄荷酱，令到烧春鸡嘅滋味加倍提升。呢间印度餐厅虽然价钱偏贵，但系水准绝对一流，价钱同品质都系一致，绝对值得大家去尝试。