影片
更多
2016-03-17
1217 浏览
是日成班大学同学返学校补影返毕业相，影完周围揾野食，乱咁行下行下就黎咗呢间餐厅。一行六人，好好彩唔洗等位即刻入得。食物种类其实唔算好多，但大家少接触印度菜，都拣咗一段时间先做到决定！烧菠萝菠萝本身好靓，非常鲜甜。而且，师傅烧得啱啱好，唔会烧到干晒水，热热地更香口，咬落去仲好爽好多汁。酸酸甜甜，的确醒胃！粟米虾饼话得系fusion菜，当然有多国特色。无论味道同埋酱汁，都同泰式虾饼非常相似，唯一分别系多咗葱同粟米。葱令虾饼更加香口，粟米亦为啖啖肉加返少少层次、口感。黑松露烤饼以往食印度烤饼最怕就系油、油、同油，更甚仲可能有阵油膱味…好好彩，呢个黑松露烤饼完全冇呢个问题，油度适中，真系非常感动呀！黑松露菌香阵阵，烤饼松软。天多罗新西兰烧羊架未上枱已经闻到阵阵烧烤香味！七成熟火喉，外面烧得少少脆口，里面肉质嫩滑多汁。羊膻味不大，微辣，香料非常惹味，稍嫌喧宾夺主，盖过羊架本身味道。黑松露野菌薄饼味道口感与意式pizza完全系两回事，呢个pizza相对上软身，批边冇咁脆口；芝士同黑松露味浓，其他配菜偏淡味，整体味道不过不失。西米炖蛋必试甜品！炖蛋滑，西米爽，配埋面头脆脆焦糖，口感一流；甜度亦刚刚好
食物种类其实唔算好多，但大家少接触印度菜，都拣咗一段时间先做到决定！
烧菠萝菠萝本身好靓，非常鲜甜。而且，师傅烧得啱啱好，唔会烧到干晒水，热热地更香口，咬落去仲好爽好多汁。酸酸甜甜，的确醒胃！
粟米虾饼话得系fusion菜，当然有多国特色。无论味道同埋酱汁，都同泰式虾饼非常相似，唯一分别系多咗葱同粟米。葱令虾饼更加香口，粟米亦为啖啖肉加返少少层次、口感。
黑松露烤饼以往食印度烤饼最怕就系油、油、同油，更甚仲可能有阵油膱味…好好彩，呢个黑松露烤饼完全冇呢个问题，油度适中，真系非常感动呀！黑松露菌香阵阵，烤饼松软。
天多罗新西兰烧羊架未上枱已经闻到阵阵烧烤香味！七成熟火喉，外面烧得少少脆口，里面肉质嫩滑多汁。羊膻味不大，微辣，香料非常惹味，稍嫌喧宾夺主，盖过羊架本身味道。
黑松露野菌薄饼味道口感与意式pizza完全系两回事，呢个pizza相对上软身，批边冇咁脆口；芝士同黑松露味浓，其他配菜偏淡味，整体味道不过不失。
西米炖蛋必试甜品！炖蛋滑，西米爽，配埋面头脆脆焦糖，口感一流；甜度亦刚刚好，真正甜而不漏，一人食多两碗都仲得呀！
张贴
