影片
更多
2009-08-01
100 浏览
由榕树湾行左大约一个钟的路，终于到索罟湾，好应该奖励下自己，食番餐靓海鲜﹗整个索罟湾好似畀天虹玩晒，感觉好独市。但有好野食的话，讲咩「锄强扶弱」？梗系边间好食就边间啦，哈哈。因为好爱海鲜的C小姐一早订左枱，所以可以坐系近海个边。坐低左之后，伙计徐徐送上小食一碟，唔系花生酸瓜等行货，而系烤麸。烤麸甜甜的味道啱啱好，稍为林了少少，可以更有咬口。冬菇味道好香，而且份量唔孤寒，加埋木耳，系一碟很有诚意的小食，即刻加晒分。食完小吃后，大家都要降一降温，抖左半个钟后先叫野，伙计都完全冇出声。第一次来到，出左去问伙计有咩介绍。如果系一般的酒家啲阿叔一定唔想睬你，但依度的人就好有耐性同我讲，同我讲点整会好食，今日咩野特价等。佢话第一次来叫餐会咩都有，抵食啲，但系大家都想食多啲海鲜的关系，就决定散叫。六个人要一个豉椒炒蛏子皇、特色炒蟹、椒盐濑尿虾、蒜蓉蒸扇贝同埋一条蒸燕子星。豉椒炒蛏子皇净系个卖相已经杀死人。大大抽的蛏子肉摆左系六个空壳上，证明畀你睇份量冇呃你的。蛏子唔老，非常之新鲜爽口。个豉椒汁惹味非常，浓烈的黑椒味加上厨房的锅气同炒到仲有啲生生地的洋葱...太无敌了...即刻要叫碗白饭去送汁﹗虽然系
因为好爱海鲜的C小姐一早订左枱，所以可以坐系近海个边。坐低左之后，伙计徐徐送上小食一碟，唔系花生酸瓜等行货，而系烤麸。烤麸甜甜的味道啱啱好，稍为林了少少，可以更有咬口。冬菇味道好香，而且份量唔孤寒，加埋木耳，系一碟很有诚意的小食，即刻加晒分。食完小吃后，大家都要降一降温，抖左半个钟后先叫野，伙计都完全冇出声。
第一次来到，出左去问伙计有咩介绍。如果系一般的酒家啲阿叔一定唔想睬你，但依度的人就好有耐性同我讲，同我讲点整会好食，今日咩野特价等。佢话第一次来叫餐会咩都有，抵食啲，但系大家都想食多啲海鲜的关系，就决定散叫。六个人要一个豉椒炒蛏子皇、特色炒蟹、椒盐濑尿虾、蒜蓉蒸扇贝同埋一条蒸燕子星。
豉椒炒蛏子皇净系个卖相已经杀死人。大大抽的蛏子肉摆左系六个空壳上，证明畀你睇份量冇呃你的。蛏子唔老，非常之新鲜爽口。个豉椒汁惹味非常，浓烈的黑椒味加上厨房的锅气同炒到仲有啲生生地的洋葱...太无敌了...即刻要叫碗白饭去送汁﹗虽然系咁但蛏子的鲜味仍然食得到，每人一大只都唔系好够喉呢﹗全晚的最爱﹗
特色炒蟹（用的是肉蟹，周末特价$150只）其实就系避风塘炒蟹。小弟一向唔太钟意避风塘式煮法，因为觉得太干了。但依度的特色炒蟹系湿好多的，美味的程度真系高几倍有多。配料炒得香到不能形容，味道的平衡取得好好，够辣够香够咸。蒜蓉豆豉辣椒等等系炒到仍湿湿地，唔系其他地方咁炸干晒脆晒就算。蟹系睇落去几大只的，但其实唔算特别多肉，但胜在肉好新鲜同好甜。第一次觉得避风塘式原来系咁好食的，第一次爱上了依一个煮法。
濑尿虾又系一样一向讨好唔到我的食物，而且小弟又实在太懒去食。但依度的椒盐濑尿虾，却系另一回事。我地要了三只大的濑尿虾，每人半只。咬开左面头的壳，「损」左「损」后就开始食啲肉。一边大啖大啖食清甜的虾肉，一边咬底下的虾脚去食个椒盐味...太满足了﹗讲真的，虾蟹太少肉了，而猪牛羊就因为要赵耐啲，所以真系冇咩肉好似濑尿虾咁可以大啖大啖的不停食。濑尿虾唔太干唔太油，而师傅的功力更加一直冇失手过，椒盐的味道很香。依一碟椒盐濑尿虾另我对濑尿虾有所改观。
蒜蓉蒸扇贝系全晚大家最期待的，我地仲要特地要求左要多粉丝，因为系精华所在﹗虽然有好多的蒜蓉，但仍然食到扇贝的鲜味，但扇贝蒸得太耐，有少少鞋。同埋粉丝唔系太索到啲鲜味，有点儿失望，不过都算系唔错﹗
最后的蒸鱼系条燕子星，即系一种较平价的星斑，伙计话抵食。以价钱来讲的确几抵食，但真系同贵啲嘅斑有几大出入。肉比较削，而且唔系特别滑，即使系个面猪登都有少少鞋。但好彩够新鲜，而且个蒸鱼豉油（加埋葱同熟油）调得好好，未必系成餐最好的，但亦都相当满意。
最后叫左碟油盐水浸菜心，食完咁多精彩的海鲜后，当系清一清肠胃，几清甜的。讲真，唔系话完全饱晒，但系食完成餐的个一种满足感真系去到顶峰。一向都唔系海鲜迷，但依一餐真系食得好痛快，三百几蚊其实好抵了﹗之后可以免费搭佢架私家船返市区（停两个站︰中环同尖沙咀）好爽，唔系为左悭个十几蚊，而系感觉好似贵宾﹗
食物好唔驶再讲，伙计们的服务全部都好好，厕所又干净又靓，真系将港九新界好多海鲜酒家比下去。其实只系需要半个小时的船程（入去西贡、鲤鱼门可能仲耐）就可以食到啲咁高质素的海鲜，南丫岛真系唔系咁唔方便，日后可以多啲来。
张贴
