三星台菜食堂 (新城市廣場一期) (已結業)

唔知系咪因为假期前夕，令到店员比较繁忙所以心情唔系太好，服务真系强差人意，门口硬件入面最少有四张空枱，门口亦都有职员，职员用命令嘅语气叫你先做安心出行 ，都唔紧要但系做完安心出行同你讲话等一等要攞飞，我真系觉得匪夷所思，明明入面系大把位。之后我问点解明明咁多空位都要攞飞，店员望一望然后就是已叫第二位职员带我入去。台式高丽菜猪肉饺（连牛肉汤底8只）$68Taiwanese Pork & Cabbage Dumplings (6 pcs) in Beef Soup 虽然望落去有少少斋，但系想食清清地，汤底几好食，都重牛味，相信系台湾红烧牛肉面汤底，因为有少少辣辣地，不过猪肉饺就唔系好足料，水饺皮好厚，食落去啲猪肉有少少猪臭味，感觉唔系太新鲜，好似煮咗一段时间咁样。都有少少兴趣想试一试个牛肉面，但系真系会拣第二间分店相信门市啲同事应该都几求其，因为佢哋将个餐牌完全挡住自己公司logo😂